Ayuntamientu y comunidaes vecinales avancen en solucionar el problema de saneamientu en Carlos Albo

Esta mañana celebróse na Oficina técnica municipal un alcuentru ente los representantes de los grupos políticos de la Corporación de Carreño y les 5 comunidaes vecinales qu'arramen les sos agües residuales al ríu Noval na cai Carlos Albo.

"Dende les 9:30 hasta les 11:00 hores aldericóse na comisión informativa d'urbanismu posibles opciones a executar poles comunidaes de propietarios col únicu fin d'evitar que s'arramen agües residuales de dichu vecinderu al calce del ríu Noval en Candás y asina dar cumplimientu a les dos sentencies xudiciales que dexen clara la obligación vecinal d'engabitar a la rede municipal de saneamientu esistente", esplicó Cecilia Tascón, conceyala d'urbanismu.

"Dende'l conceyu esclarióse a la representación vecinal qu'esisten distintes soluciones técniques, que'l Conceyu nun-yos impon faer una o otra, a cencielles qu'avancen y estudien colos sos técnicos cuál ye la solución apropiada pa encaralo y que sía meyor pa los sos intereses", añedió la concejala.

"La representación vecinal apuestó pola solución en precariu, hasta'l desenvolvimientu del PERI, que pasa por faer el saneamientu pasando con una canalización pola bóveda del ríu, a lo cual dende'l conceyu repitióse la necesidá d'avanzar na solución del problema medioambiental que xeneren y que si consideren qu'ésta ye la solución que más-yos convien pa los sos intereses vecinales, el consistoriu facilitará-yos y va faer les xestiones cola Confederación Hidrográfica pa ver si ésta autorízalos dicha solución. va facilitáse-yos a los técnicos del vecinderu toa la collaboración necesaria por que faigan el proyectu técnicu cola solución que vean más operativa, planos, topografía, etc y tolo que precisen d'asesoría técnica, pero nun pueden refugar la responsabilidá que tienen, como tampoco lo faen el restu de vecinos de Carreño", concluyó Cecilia Tascón.