Más del 50 % de los llares candasinos participen na recoyía selectiva de materia orgánica

Dende'l pasáu 17 de setiembre, el 58% de los llares de Candás vien participando na esperiencia piloto de recoyida selectiva de borrafes orgániques de Candás. De los 3.400 cases envaloraes de la villa, 1.975 tán participando nel nuevu modelu de xestión de les borrafes urbanes. Nel casu de productores singulares (instituciones públiques, establecimientos hosteleros y hoteleros, comerciu de proximidá,...) esti datu asítiase nel 80%. De los 91 productores singulares esistentes, 73 yá tán adscritos a la esperiencia piloto.

"Polo qu'en total son más de 2.000 participantes, 2.048, los que tomaron conciencia y tienen un firme compromisu col reciclaje y la correcta xestión de los recursos pa la meyora de la nuesa redolada y convertir les borrafes en fonte de vida. Pasando, nestos 4 meses y medio de les 48 tonelaes de borrafes que semanalmente, procedentes de Candás, yeren llevaos a Cogersa pal so tratamientu final, a menos de 40. Recoyéndose cerca de 9 tonelaes a la selmana de materia orgánica ente la recoyida puerta a puerta y los 30 contendores con llave, instalaos en dellos puntos de la capital. Tando cada vez más cerca de los oxetivos que Llei 22/2011, marcónos pal añu 2020" avanzó Roberto Bueno-Conceyal de Mediu Ambiente-.

"La Llei 22/2011, de 28 de xunetu, de Borrafes y Suelos Contaminaos naz coles mires d'impulsar midíes que puedan prevenir la xeneración de les borrafes y apangar los sos impactos adversos sobre la salú humana y el mediu ambiente, acomuñaos a la so xeneración y xestión, ameyorando la eficiencia nel usu de los recursos. Col fin d'avanzar escontra una sociedá del recicláu con un altu nivel d'eficiencia de los recursos, esta Llei nel so artículu 22, establez que son les autoridaes competentes les que tienen d'adoptar les midíes necesaries pa garantizar que, antes del 2020, la cantidá de borrafes doméstiques y comerciales destinaos a la preparación pa la reutilización y el recicláu pa les fracciones de papel, metales, vidriu, plásticu, bio-borrafes o otres fracciones reciclables tendrá de #algamar, en xunto, a lo menos el 50% en pesu" comentó'l responsable local.

"Dende siempre la Corporación de Carreño tuvo un firme compromisu col reciclaxe y la correcta xestión de los recursos pa la meyora de la nuesa redolada y convertir les borrafes en fonte de vida. Anque'l nuesu conceyu ye unu de los conceyos asturianos que más recicla, asitiándose nel sestu llugar con una tasa media del 16%. Pero atopamos bien llueñe del 50% que marca la Unión Europea pal añu 2020 marcu européu. Pa consiguilo tenemos qu'actuar yá y faelo de forma conxunta. Col firme propósitu d'avanzar un pasu más nel camín de ser un conceyu responsable col mediu ambiente ampliemos el serviciu de recoyida de basures qu'hasta agora s'emprestaba na villa urbana pa impulsando'l reciclaje de la materia orgánica" señaló'l Conceyal. 

"Día ente día vimos como d'una forma positiva tola ciudadanía foi participando ya implicándose nesti proyectu. Anque nos queda un llargu camín. Polo que #cualquier iniciativa que sume, cola que consiguir el porcentaxe marcáu pola #Unión Europea va ser bienvenida. Porque pa consiguir l'oxetivu tenemos qu'actuar yá y faelo de forma conxunta. Col firme propósitu d'avanzar un pasu más nel camín de ser un conceyu responsable col mediu ambiente tolos axentes implicaos tenemos de doblar los nuesos esfuerzos p'aumentar les cifres de recoyida selectiva, non yá pa respetar l'oxetivu impuestu per Bruxeles sinón pa potenciar el beneficiu ambiental y la calidá de vida de les persones. Esti mes de febreru dio empiezu la fase de refuerzu de la esperiencia piloto na recoyida de borrafes" prosiguió Bueno. 

 "Esta fase de refuerzu tien como finalidá evitar que vaiga al vertideru'l 40% del conteníu de cada bolsa de basura y amontar el reciclaje; amenorgar les emisiones de CO2 y otros gases d'efectu invernaderu; tresformar la materia orgánico n'enerxía llimpia o compost y ameyorar la sostenibilidá de la nuesa redolada. Estos cuatro oxetivos espliquen la trescendencia d'implicase como vecín o vecina nesta recoyida selectiva.
La participación de tolos axentes sociales ye clave pa contribuyir a amenorgar la cantidá de borrafes xeneraes ya implementar polítiques que dexen la valorización y aprovechamientu de los mesmos pa otros usos. Pa ello fomentaráse la participación de la ciudadanía al traviés de la educación ambientalmente" aprofió'l Conceyal. 

Les acciones que se contemplen hasta'l 17 de marzu, son:
–Puntos informativos (interior nel Centru Polivalente y esterior na Plaza de la Baragaña). 
–Patrulles caleyeres de sensibilización a la ciudadanía en determinaos espacios de la villa. 
–Atención a productores singulares, entendiendo les siguientes acciones: 
–Sondéu individualizáu pa evaluar la so opinión al respective de la recoyida o Patrulles de sensibilización específiques –Xuntes de trabayu específiques 
–Acciones de teatru caleyeru al cargu de mimos pa fomentar la correcta separación y xestión de la materia orgánico ente la ciudadanía. 
–Video con animación de promoción de la campaña pal insertamientu en medios dixitales del conceyu. 

Estes acciones van reforzar la esperiencia piloto na recoyida selectiva de les borrafes urbanes que dende'l pasáu setiembre vien desenvolviéndose en Candás, enllantándose un nuevu sistema: 
–Llunes, miércoles, xueves, sábadu y domingu, sistema de recoyida puerta a puerta, con cubos de color negru namá pa la fracción resto. 
–Martes y vienres, serviciu de recoyida separada de materia orgánico por aciu la recoyida puerta a puerta con cubos de color marrón.

"Amás esti nuevu serviciu del cubu marrón" viose ampliáu cola instalación de @30 contenedores na vía pública pal depósitu de les borrafes de para materia orgánico. Estos contendores disponen d'una llave que foi facilitada a caúna de les families participantes nel proyectu, amás d'un pequenu cubu marrón que facilita l'almacenamientu d'estos a na casa particular" remató Roberto Bueno-Conceyal de Mediu Ambiente..