En relación cola convocatoria de movilizaciones per parte de la representación sindical nel Conceyu de Carreño, la conceyala de recursos humanos, Cecilia Tascón, señaló que “a lo llargo de la presente llexislatura'l Conceyu de Carreño consolidó meyores en política de personal. Entá siendo numberoses les reivindicaciones de la plantiya fuimos capaces de desbloquiar temes qu'ameyoraron ensin dulda les condiciones llaborales de emplegaos/es municipales”.

“A lo llargo d'estos casi cuatro años celebráronse 37 Meses de Negociación nes que primó la voluntá del gobiernu pa llegar a alcuerdos coles organizaciones sindicales representantes de trabayadores. Esta busca de consensu favoreció que les resultancies sían positives para dambes partes”, añedió la conceyala de recursos humanos.

Ente otros, los asuntos que se resolvieron nel marcu de les Meses de Negociación fueron: 

-Xubilación Parcial con contratu relevo del personal llaboral.

-Acumuladura de permisos de llibre disposición con vacaciones.

-Protocolos pa cobertories temporales de puestos de cimera categoría casos de baxes por IT, vacaciones, permisos etc…

-Revisión de los servicios mínimos en casos de fuelga.

-Aplicar medríes salariales previstos na Llei de Presupuestos Xenerales del Estáu a tola masa salarial.

-Compensación d'un día llibre disposición cuando los festivos coincidan en sábadu.

-Cambéu de la Relación de Puestos de Trabayu.

-Complementu retributivo en casu de caso Incapacidad Temporal al 100% dende'l primer día de baxa.

-Recuperación de la xornada de 35 hores.

-Estensión del abonu de la parte proporcional de pagues extra por cimera categoría a tolos solicitantes.

-Revisión de la estructura salarial, antigüedá y atrasos dende 2016 a los docentes de la Escuela de Música.

-Alcuerdu col serviciu Policía Local sobre disponibilidá.

-Solución nel marcu de la Relación de Puestos de Trabayu de les reivindicaciones del cuerpu d'Auxiliares Alministrativos.

El costu económicu d'esta inversión en meyora de les condiciones llaborales de la plantiya municipal xube aprosimao y en términos añales a:

-Cambéu RPT 100.000 euros

-Disponibilidaá Policía Local 60.000 euro

-Xubilación parcial 2.200 euros per emplegáu/a Compensación baxa IT

-237 euros/ emplegáu IT 15 díes

-1 día permisu A.P. sábados 10.000 euro

-Reducción xornada a 35 hores 40.000 euro

-Escuela Música docentes 27.000 euros

-Pagu parte proporcional pagues extra 25.000 euros

“No que se refier al cambéu de la RPT alcordada nel 2017, nun entendemos esta actitú de la representación sindical nel conceyu, que convoca movilizaciones escusándose na so aplicación cuando los distintos cambeos que traxo esti cambéu aplicáu nos siguientes meses del 2018 a la so aprobación y nesti 2019, que suponen a les arques municipales añalmente una xubida nos gastos correspondientes al capítulu de personal de más de 213.000 Euros. De los cualos, 165.000 Euros van repercutir directamente nes nómines del personal y 48.000 Euros, correspuenden a les cotizaciones sociales a cargu del Conceyu. Lo que supon un aumentu de los gastos de personal nun 4,04 %”, prosiguió Tascón.

“Pero esta nun foi la única xubida salarial que repercutió nes nómines del personal municipal. Si non que, dende'l 2017, vieron cómo los sos salarios fueron aumentando progresivamente hasta'l 5%, de resultes de les medríes xenerales de les Lleis de Presupuestos Xenerales del Estáu (xubida que se ta aplicando). Lo que pal añu 2019 significa una medría del capítulu de personal pa faer frente a esti 5% de 263.040,65 €. En númberos redondos si nel añu 2017 el capítulu de Gastos Personal tenía asignáu 5.260.813,32€; nel añu 2019 por cuenta del cambéu de la RPT y a les medríes salariales xenerales va haber qu'implementalo en casi mediu millón d'euros, 476.040,65 € aprosimao. Lo que supon en namá 2 años xuna xubida total de los gastos de personal nun 9,04%” señaló la edil.

“O motive les concentraciones alegando que les meses de negociación nun fueron convocaes correctamente, convocando a persones que nun tendríen d'asistir a talos actos. De ser asina, que nun lo ye, toos y cada unu de los alcuerdos que neses xuntes aprobáronse, nos que'l personal municipal vio recuperaos parte de los sos derechos repercutiendo na so calidá de vida como la xubilación parcial col contratu relevo del personal llaboral, el cambéu de la RPT y la xubida salarial, el complementu retributivo en casu d'Incapacidá Temporal al 100% dende'l primer día de baxa,… nun tendríen efectos y non podrán tase aplicando como se ta faciendo”, añedió Cecilia Tascón.

“El departamentu de Personal trabayó en tolos alcuerdos alcanzaos priorizando aquellos asuntos qu'entendió que nun pueden dexase enriba de la mesa como foi la RPT o l'afitamientu y estabilización del empléu públicu”, concluyó la conceyala.