La primer vegada tien la so maxa. Y si a esa primer vegada xúnese-y una obra de teatru na parroquia de Ambás, tenemos la receta perfecta para pasar una tarde d'iviernu enllena de máxiques risaes. Nesta redolada de maxa, esti sábadu, la XIV Ronda Teatral, recaló nes Antigües Escueles de Ambás. Onde'l Grupu de Teatru “La Farola de Xixón” xuntu col grupu de teatru local "Les Ayalgues” de Carreño consiguieron arrincar más d'una llárima, pero de risa al públicu asistente.
“Esta actividá cultural enmárcase dientro del programa “XIV Ronda de Teatru per Carreño” que'l so oxetivu ye descentralizar les distintes actividaes culturales y sociales. Creando nuevos espacios d'ociu y entretenimientu, culturales, al empar qu'espacios sociales onde los vecinos y vecines puedan inter-actuar. Una concepción de la sociedá al traviés de la cual son les actividaes les que se mueven escontra les parroquies, escontra la zona rural, dando'l mesmu tipu d'oportunidaes a toles persones de poder allegar a una representación teatral, una esposición, un taller,…” señaló Cecilia Tascón-Conceyala de Cultura.
“Teatru, poesía, música, talleres, charres, cursos, ludotecas y esposiciones son dalgunes de les acciones que nesi enfotu por avera la cultura a tolos rincones del Conceyu venimos desenvolviendo conjuntamente col vecinderu. Xuna confluencia de sinergias, positives, ente la ciudadanía y los Grupos de Teatru, nesti casu, nel que se pon de relieve la importancia y el valor d'estos alcuentros culturales como xuna fonte de dinamización de la parroquia” prosiguió la Edil.
“Esta actividá cultural enmárcase dientro del programa “XIV Ronda de Teatru per Carreño” que'l so oxetivu ye descentralizar les distintes actividaes culturales y sociales. Creando nuevos espacios d'ociu y entretenimientu, culturales, al empar qu'espacios sociales onde los vecinos y vecines puedan inter-actuar. Una concepción de la sociedá al traviés de la cual son les actividaes les que se mueven escontra les parroquies, escontra la zona rural, dando'l mesmu tipu d'oportunidaes a toles persones de poder allegar a una representación teatral, una esposición, un taller,…” señaló Cecilia Tascón-Conceyala de Cultura.
“Teatru, poesía, música, talleres, charres, cursos, ludotecas y esposiciones son dalgunes de les acciones que nesi enfotu por avera la cultura a tolos rincones del Conceyu venimos desenvolviendo conjuntamente col vecinderu. Xuna confluencia de sinergias, positives, ente la ciudadanía y los Grupos de Teatru, nesti casu, nel que se pon de relieve la importancia y el valor d'estos alcuentros culturales como xuna fonte de dinamización de la parroquia” prosiguió la Edil.
Nesta ocasión el Grupu de Teatru “La Farola de Xixón” so la dirección de Christian Argúelles representó xuna obra del dramaturgu asturianu José Ramón Oliva, “La Maxa de la Primer Vegada”. La primer vegada siempres tien la so maxa, pero con una bona dosis d'humor, un pocu d'intriga y de picardía y muncha complicidá col públicu,ensin escaecer les cartes de la baraxa, pañuelos y el tralarín-tralarán, como ingredientes de la receta perfecta, consiguieron faer esfrutar a un públicu apurríu.
Na primavera del @2016, Chema Puertu, Christian Argüelles y José F. Mayu plantegen crease un grupu de teatru costumbrista asturianu. Los trés, son actores consagraos nel panorama artísticu asturianu, llevando munchos años polos escenarios d'Asturies con otros grupos de teatru. El so oxetivu yera, y sigue siendo, a parte del esfrute personal, collaborar col caltenimientu y l'espardimientu de daqué tan tradicional y tan de la nuesa tierra como ye'l teatru costumbrista. Con esta motivación, surde na escena asturiana'l Grupu de Teatru “La Farola de Xixón”.
Anque ye un grupu relativamente nuevu, en Carreño consiguieron grandes ésitos cola so participación nes dos últimes ediciones del Salón de Teatru Costumista Asturianu de Candás. Na so primer participación, nel 2017, con esta mesma obra, alzóse con dos Premios Aurora, el “Aurora” del Públicu a la meyor función y Chema Puerto al meyor actor d'aquella edición. Y dende va dos años participen nel mes d'avientu nel desfile de la llegada del “faroleru” en Candás, representando a la familia d'esti llobu de mar.
Pela so parte, “Les Ayalgues” de Carreño interpretaron dellos monólogos del so repertoriu. Son un grupu de muyeres del Conceyu qu'en participando nun taller de iniciación al teatru dientro del programa rexonal “Tiempu Propio”, afayaron el so interés poles artes escéniques. Solicitando a la Conceyalía d'Igualdá l'impulsar una actividá teatral pa elles nel Conceyu. Asina empezaron un taller de teatru cola profesional asturiana Gema de Luis. Surdiendo más tarde la creación del so grupu de teatru. Na actualidá siguen ensayando na Casa d'Alcuentros de Candás y tán somorguiaes na preparación d'una nueva obra teatral. L'adaptación d'una gran obra teatral de los años trenta y cuarenta del sieglu XX.
Albandi
