Esti drásticu amenorgamientu de la recaldación por impuestos nel consistoriu refundia una lliquidación del presupuestu de 2018 que nun cumple cola estabilidá presupuestaria y la riegla de techu de gastu.
La comisión de facienda va valorar el próximu miércoles la lliquidación del presupuestu pal exerciciu 2018. “La resultancia de la mesma apruz que'l conceyu nun tien deldes, que dispon d'un remanente de tesorería positivu por importe de 2.802.202,47 euros y a fecha 31 d'avientu de 2018 el Conceyu de Carreño tien nos bancos 3.486.372,83 euros, sicasí arriendes de la entrada a valir, impulsada pol anterior Gobiernu d'España lideráu pol PP, la Llei Orgánica 2/2012, de 27 d'Abril d'Estabilidá presupuestaria y sostenibilidá financiera los Conceyos yá nun podemos gastar o destinar los nuesos remanentes a cubrir les sos necesidaes económiques porque s'impon el relleno de la estabilidá presupuestaria y la riegla del techu de gastu”, esplicó Paula Cuervo, vocera del gobiernu socialista.
“Magar la situación económica del conceyu ye envidiable y amás nun esiste delda, les llimitaciones impuestes, a propuesta del PP, pol anterior gobiernu estatal y la conxelación de los impuestos en Carreño lleváronnos a no cumplir l'oxetivu d'estabilidá presupuestaria al zarru del exerciciu en 456.333,57 euros y la riegla de techu de gastu, refundiando una diferencia ente la llende de la riegla de gastu y el gastu computable al zarru del exerciciu de 398.950,44 euros”, añedió la conceyala.
“Anque la previsión de gastos tuvo qu'afaese a les cifres que se remanaben nel presupuestu de 2017 al tar ésti prorrogáu, lo cierto ye que, frutu del compromisu socialista de nun amontar la presión fiscal a les families y les pymes, los ingresos municipales amenorgaron en 526.970,7 euros d'un añu pa otru y amontáronse en 137.208,55 euros los gastos debíu al aumentu de precios per parte de provisores na prestación de los servicios al conceyu y la medría en 653.716,43 euros de los costos a que respuende'l cumplir los compromisos adquiríos col personal municipal dando respuesta a les meyores que demandaron y los correspondientes pagos a la Seguridá Social”, prosiguió Paula Cuervo.
“Identifiquemos qu'otru de los motivos d'esti desaxuste ta en capítulu IV del presupuestu municipal. El Conceyu de Carreño invierte 1.510.271, 50 euros al añu que se distribúin n'aportaciones a los trés Patronatos municipales deportivu y culturales, a la Mancomunidá, en redol a los 900000 euros, 100.000 euros pa les ayudes al empléu, y una amplia convocatoria de subvenciones municipales, pa les que, en distintes convocatories, destinaes a distintes entidaes deportives, sociales, culturales, etc, según beques de comedor y les beques d'estudiu destínase más de millón y medio d'euros nel nuesu conceyu, ente que por casu, n'otres entidaes locales estes cantidaes son enforma menores”, señaló la conceyala socialista.
“Otra de les causes d'esti amenorgamientu d'ingresos de más de mediu millón d'euros menos se debe a la conxelación d'impuestos, precios públicos y tases municipales mientres tola llexislatura, y por otru, a que solamente d'impuestos (IBI,IAE, viñeta y plusvalíes recaldóse yá esa cantidá menos. El Conceyu alcordó a instancies d'una moción del PP y en virtú d'una sentencia nun liquidar delles plusvalíes”, matizó Cuervo.
“L'alquisición del Prendes pudo faese perfectamente l'añu pasáu. Miente intencionadamente el PP de Carreño. Pudo habese mercáu y aforrar anguaño más de 60 mil euros n'arriendu si nun torgaren los populares la operación. Col teatru Prendes mercáu la resultancia de la lliquidación de 2018 sería'l mesmu mercándolo por financiase l'alquisición del teatru como inversión sostenible y nun computar nel techu de gastu” - esclarió la vocera socialista.
“Agora en 2019, l'escenariu ye distintu, tantu si va financiase la compra del teatru con remanente de tesorería como con un creitu - que perfectamente podríamos pidir cuidao que nun tenemos deldes- l'importe de la so compra computaríanos nel techu de gastu, lo que supondría un mayor incumplimientu de la estabilidá presupuestaria a 31 d'avientu d'anguaño. Al tener que faer el plan, namá sería vidable mercalo con un amenorgamientu del gastu nel presupuestu municipal pol importe de la compra del teatru” - prosiguió Cuervo.
“El teatru Prendes nun ye municipal güei porque'l PP boicotió la so alquisición cuando yera vidable la so compra. Anguaño si quier mercase débese de faer retayos pol valor de compres del teatru , amás de los 400.000 o xubir los ingresos pela vía impositiva. Los impuestos importantes IBI, IAE y viñeta apuértense'l 1 de xineru, asina que cualesquier midida sobre los mesmos nun diva tener nengún efectu hasta 2020” - concretó la edil.
“Ante esta situación el gobiernu yá ta trabayando cola intervención municipal na redacción d'un plan económicu financieru a dos años pa faer frente a esta inestabilidá presupuestaria deriváu d'una amenorga de los ingresos municipales, al tener menor recaldación pela vía impositiva y tener más gastu corriente. Les midíes que valora'l gobiernu local pasen por ameyorar la eficiencia na prestación de los servicios públicos p'amenorgar el gastu corriente y nesti llabor ye clave tamién el compromisu del personal municipal pa poder algamar los oxetivos que s'afiten finalmente nel plan, que va tener qu'aprobase antes del 28 de Mayu”, concluyó la vocera socialista.
La comisión de facienda va valorar el próximu miércoles la lliquidación del presupuestu pal exerciciu 2018. “La resultancia de la mesma apruz que'l conceyu nun tien deldes, que dispon d'un remanente de tesorería positivu por importe de 2.802.202,47 euros y a fecha 31 d'avientu de 2018 el Conceyu de Carreño tien nos bancos 3.486.372,83 euros, sicasí arriendes de la entrada a valir, impulsada pol anterior Gobiernu d'España lideráu pol PP, la Llei Orgánica 2/2012, de 27 d'Abril d'Estabilidá presupuestaria y sostenibilidá financiera los Conceyos yá nun podemos gastar o destinar los nuesos remanentes a cubrir les sos necesidaes económiques porque s'impon el relleno de la estabilidá presupuestaria y la riegla del techu de gastu”, esplicó Paula Cuervo, vocera del gobiernu socialista.
“Magar la situación económica del conceyu ye envidiable y amás nun esiste delda, les llimitaciones impuestes, a propuesta del PP, pol anterior gobiernu estatal y la conxelación de los impuestos en Carreño lleváronnos a no cumplir l'oxetivu d'estabilidá presupuestaria al zarru del exerciciu en 456.333,57 euros y la riegla de techu de gastu, refundiando una diferencia ente la llende de la riegla de gastu y el gastu computable al zarru del exerciciu de 398.950,44 euros”, añedió la conceyala.
“Anque la previsión de gastos tuvo qu'afaese a les cifres que se remanaben nel presupuestu de 2017 al tar ésti prorrogáu, lo cierto ye que, frutu del compromisu socialista de nun amontar la presión fiscal a les families y les pymes, los ingresos municipales amenorgaron en 526.970,7 euros d'un añu pa otru y amontáronse en 137.208,55 euros los gastos debíu al aumentu de precios per parte de provisores na prestación de los servicios al conceyu y la medría en 653.716,43 euros de los costos a que respuende'l cumplir los compromisos adquiríos col personal municipal dando respuesta a les meyores que demandaron y los correspondientes pagos a la Seguridá Social”, prosiguió Paula Cuervo.
“Identifiquemos qu'otru de los motivos d'esti desaxuste ta en capítulu IV del presupuestu municipal. El Conceyu de Carreño invierte 1.510.271, 50 euros al añu que se distribúin n'aportaciones a los trés Patronatos municipales deportivu y culturales, a la Mancomunidá, en redol a los 900000 euros, 100.000 euros pa les ayudes al empléu, y una amplia convocatoria de subvenciones municipales, pa les que, en distintes convocatories, destinaes a distintes entidaes deportives, sociales, culturales, etc, según beques de comedor y les beques d'estudiu destínase más de millón y medio d'euros nel nuesu conceyu, ente que por casu, n'otres entidaes locales estes cantidaes son enforma menores”, señaló la conceyala socialista.
“Otra de les causes d'esti amenorgamientu d'ingresos de más de mediu millón d'euros menos se debe a la conxelación d'impuestos, precios públicos y tases municipales mientres tola llexislatura, y por otru, a que solamente d'impuestos (IBI,IAE, viñeta y plusvalíes recaldóse yá esa cantidá menos. El Conceyu alcordó a instancies d'una moción del PP y en virtú d'una sentencia nun liquidar delles plusvalíes”, matizó Cuervo.
“L'alquisición del Prendes pudo faese perfectamente l'añu pasáu. Miente intencionadamente el PP de Carreño. Pudo habese mercáu y aforrar anguaño más de 60 mil euros n'arriendu si nun torgaren los populares la operación. Col teatru Prendes mercáu la resultancia de la lliquidación de 2018 sería'l mesmu mercándolo por financiase l'alquisición del teatru como inversión sostenible y nun computar nel techu de gastu” - esclarió la vocera socialista.
“Agora en 2019, l'escenariu ye distintu, tantu si va financiase la compra del teatru con remanente de tesorería como con un creitu - que perfectamente podríamos pidir cuidao que nun tenemos deldes- l'importe de la so compra computaríanos nel techu de gastu, lo que supondría un mayor incumplimientu de la estabilidá presupuestaria a 31 d'avientu d'anguaño. Al tener que faer el plan, namá sería vidable mercalo con un amenorgamientu del gastu nel presupuestu municipal pol importe de la compra del teatru” - prosiguió Cuervo.
“El teatru Prendes nun ye municipal güei porque'l PP boicotió la so alquisición cuando yera vidable la so compra. Anguaño si quier mercase débese de faer retayos pol valor de compres del teatru , amás de los 400.000 o xubir los ingresos pela vía impositiva. Los impuestos importantes IBI, IAE y viñeta apuértense'l 1 de xineru, asina que cualesquier midida sobre los mesmos nun diva tener nengún efectu hasta 2020” - concretó la edil.
“Ante esta situación el gobiernu yá ta trabayando cola intervención municipal na redacción d'un plan económicu financieru a dos años pa faer frente a esta inestabilidá presupuestaria deriváu d'una amenorga de los ingresos municipales, al tener menor recaldación pela vía impositiva y tener más gastu corriente. Les midíes que valora'l gobiernu local pasen por ameyorar la eficiencia na prestación de los servicios públicos p'amenorgar el gastu corriente y nesti llabor ye clave tamién el compromisu del personal municipal pa poder algamar los oxetivos que s'afiten finalmente nel plan, que va tener qu'aprobase antes del 28 de Mayu”, concluyó la vocera socialista.
Albandi
