L'alumnáu del programa de Garantía
Xuvenil “Joven Ocúpate” 2018-2019 “Luce Carreño”
complementa la so formación teórica participando nel Taller de
Soporte Vital Básicu impartíu pol médicu Vicente González Díez
coles mires de que adquieran les conocencies necesaries pa una rápida
actuación en casos d'emerxencia.
El programa de Garantía Xuvenil “Joven
Ocúpate” ye un programa d'empléu y formación nel que s'ufierta a
mocedá asturiana la posibilidá de llograr un certificáu de
profesionalidá nivel 1, amás de recibir asesoramientu llaboral,
complementándose con un contratu pa la formación y l'aprendizaxe.
“Con “Luce Carreño” 8 mozos y
moces van recibir una formación específica empobinada al llogru del
Certificáu de Profesionalidá “Llimpieza n'espacios abiertos ya
instalaciones industriales” (SEAG0209). Esta formación va tener
una duración de 130 hores partíes en dos módulos. Van destinase 50
hores a la formación de los espacios abiertos, ente que les 80 hores
restantes van al de llimpieces n'instalaciones y equipamientos
industriales. Siendo los oxetivos d'esta actuación la meyora de la
llimpieza y aspeutu de diversos espacios públicos de la villa de
Candás, con especial incidencia nes cais que s'integren nel
itinerariu didácticu-pedagóxicu de Los Oficios de la Mar en Candás”
señaló Onésimo Velasco, edil d'obres.
“L'alumnáu va compaxinar esta
formación específica con una formación básica en matemátiques,
llingua, nel ámbitu sociu-natural. Amás d'una formación n'igualdá
d'oportunidaes, n'orientación llaboral, en respetu al mediu
ambiente, alfabetización dixital, prevención de riesgos llaborales
complementada con una educación tresversal na que se va favorecer
les estratexes de collaboración y sinerxes del grupu fomentando la
intervención y la capacidá investigadora del colectivu” afirmó
Velasco.
“La finalidá de la implementación
d'esti programa, tal y como recueye la memoria y proyectu
municipal qu'aprobó'l Serviciu Públicu d'empléu, ye la
formación pa facilitar el insertamientu nel mercáu de trabayu y/o
sistema formativu. Formar a eses persones n'ocupaciones ente otres
como'l operariu/a de llimpieza viaria y allegaes, amás de
fomentar la so integración ya insertamientu profesional, impulsar la
formación d'especialistes, promover actuaciones de caltenimientu
ambiental, amás de contribuyir a la dinamización socioeconómica
del conceyu” prosiguió el conceyal.
“Esti alumnáu va complementar la
so formación teórica cola práctica llaboral. Sumando un mayor
protagonismu, ésta última, según s'adquieran les conocencies
teóriques necesaries. Asina mientres los primeros meses de l'acción,
l'alumnáu va dedicar el 80% de la so xornada a la formación teórica
y el 20% restante al trabayu efectivu. Ente que nel últimu mes, la
xornada va distribuyise dedicando'l 75% al trabayu y el 25% a la
formación teórica” concluyó'l conceyal.