Los balcones de la Biblioteca Municipal “Carlos González Posada” convirtiéronse, na mañana de güei, Día Mundial de la Poesía, xueves 21 de marzu, nun improvisáu aeródromu. Dende'l cual desapegaron aviones de papel cargaos de belles lletres ya impulsaos pelos brazos del alumnáu de la Escuela Rural de Quimarán y El Valle.

Poesíes d'Antonio Machado, León Felipe, Gloria Fuertes, Federico García Lorca, Robert Louis Stevenson, Miguel Mingotes, Mar Benegas, Violeta Montreal o Antonio Rubio, poetes y poetises de güei y d'ayeri qu'escoyeron pa tala ocasión, sobrevolaron los xardinos de la biblioteca pública hasta llegar a les manos del alumnáu del cursu de primeru d'educación infantil del CP Poeta Antón y a les persones usuaries del Centru d'Ayuda a la Independencia (CAI) de Candás, qu'ellí s'atopaben sorielles pa recibiles.

N'aterrizando nes manos de la mocedá qu'ellí esperaba la so llegada enganiosamente, la mercancía que tresportaben esos aviones convertíos en poesía y dellos poemes fueron recitaos.

D'esta forma tan singular, l'alumnáu de la Escuela Rural  Quimarán y El Valle quixo celebrar en Carreño'l Día de la Poesía, sumándose, un añu más, a les  actividaes que dende la Biblioteca Municipal entámense na celebración de la efeméride d'esti xéneru lliterariu, consideráu como la manifestación de la guapura por mediu de la palabra.

Les dos educadores del Centru Mirta Morán Martínez y Lorena Piquero Pérez volvieron sosprender nesti día máxicu. Si l'añu pasáu decidieron celebralo bisbisando poemes (Haikus) al escuchu del personal municipal y darréu asitiando esos poemes nel “tendal de Haikus” habilitáu na Plaza del Conceyu. Nesta ocasión decantáronse por Poesía al Vuelu de los y les clásicos/as de la poesía española.