El Conceyu de Carreño va actuar na meyora de la dotación d'equipamientos en diversos espacios públicos del conceyu, según la meyora de la so llimpieza.

El día 1 d'abril empezó un programa mistu, que combina acciones de formación y empléu, el Taller de Empléu “Carreño a puntu”, promovido pol Conceyu de Carreño y financiáu pol Serviciu Públicu d'Empléu del Principáu d'Asturies, dexando la contratación de 35 persones mientres 12 meses. 

Esti personal estremáu en dos módulos de 15 alumnos/es trabayadores cada unu, va encargarsede realizar, al traviés del so módulu d'Operaciones auxiliares d'acabaos ríxidos y urbanización les obres d'acondicionamientu pa la instalación de dos parques biosaludables (unu en Perán y otru nel Pobláu de Albandi) y un parque pa mascotes en Candás, y amás el módulu de Llimpieza n'espacios abiertos ya instalaciones industriales va collaborar col caltenimientu de periódicu de los espacios públicos al traviés de la so llimpieza viaria, de parques y xardinos y de sableres.

Completen l'equipu un Director, l'arquiteutu Pedro Samara,  dos Monitores, una maestra y una Auxiliar Alministrativa.

El costu d'esti proyectu xube a 693.131,95 €, de los cuálos 589.804 euros son aportación del Gobiernu del Principáu y municipal de 93.627,10 €.

Esti proyectu de formación y empléu  va facilitar una esperiencia llaboral envernada a trabayadores en desemplegu de llarga duración,  cola cuenta d'ameyorar les posibilidaes d'insertamientu llaboral adquiriendo una formación acreditada al empar que contribúin al cuidu y caltenimientu de los espacios públicos locales.

Amás, l'alumnáu participante que nun algamare los oxetivos de la Educación Secundaria Obligatoria, va tener la oportunidá de llograr el Graduáu n'ESO y les competencies básiques al traviés de programes específicos, que-yos dexará incorporase a la vida activa o prosiguir los sos estudios nes distintes enseñances regulaes na normativa educativa.