Nel Salón de Plenos del Conceyu de Carreño, esti 9 d'abril tuvo llugar la xunta del Conseyu Municipal d'Árees Empresariales, na que tán integraos y representaos los empresarios de l'Asociación d'Empresarios y Propietarios de Falmuria (ASPEFA), de l'Asociación d'Empresarios de los Polígonos de Tabaza y Llorgozana (APTABAZA) y de la Comunidá de Propietarios del Muniello (Prevera), según la Federación de Polígonos Industriales d'Asturies (APIA).
En 2019, tres les Obres de meyora d'accesibilidá y de señalización y ordenación de tráficu n'árees industriales de Carreño (Tabaza I, Tabaza II, Muniello y Falmuria)” executaes en 2016, les Obres de reforma de la EDAR de Tabaza” y l'Informe sobre meyores d'accesibilidá de Tabaza I y Tabaza II” realizaos en 2017 y la redacción del Plan Integral de Seguridá de Falmuria” en 2018 que se ta rematando, los integrantes del Conseyu propunxeron trés remanes: primer, llevar a cabu ameyores na rede de hidrantes, concretamente crear un segundu hidrante nel polígonu industrial de Falmuria y reasitiar l'esistente, según instalar señalización vertical en trés hidrantes – unu nel polígonu industrial Muniello y dos nel Tabaza II – que solo tienen señalización horizontal de los mesmos; segunda, la realización del Plan Integral de Seguridá de Tabaza I, Tabaza II y Llorgozana” y, tercer, la instalación de la conexón a la rede de saneamientu de la área de La Granda, a la espera de que SOGEPSA desenvuelva'l polígonu industrial de La Granda II. El Conseyu alcordó consultar a SOGEPSA la viabilidá técnica y alministrativa de llevar a cabu esta tercer acción, según envalorar el so costu. En base a la respuesta llograda y, a la vista de la convocatoria d'ayudes del Institutu de Desenvolvimientu Económicu del Principáu d'Asturies (IDEPA) pa la meyora continua de les árees empresariales, el Conceyu de Carreño va presentar un proyectu qu'incluya toes o delles de les acciones plantegaes.
A lo último, fíxose una repasada de los convenios de llimpieza roblaos pol conceyu y les asociaciones empresariales de los polígonos industriales públicos, atopándose a valir el robláu cola Asociación d'Empresarios de los Polígonos de Tabaza y Llorgozana (APTABAZA) y tando en procesu de renovación el robláu cola Asociación de Propietarios y Empresarios del Polígonu de Falmuria (ASPEFA).