Caleyando Carreño continua cola so programación, la segunda ruta marcada nel calendariu va ser el próximu Sábadu 4 de Mayu, para la realización de la travesía "Camino Primitivu de Santiago" ESPINEDO-SALAS. La salida va tener llugar a les 9:30 h dende'l Teatru Prendes y con hora de llegada a les 15:00 h, al mesmu llugar de partida.
La ruta va trescurrir por un tramu de la 2ª etapa del Camín Primitivu a Santiago, dende la población de Espinedo hasta Salas. Dende la cantera de “Silices de Llapada” tomamos el camín vecinal escontra Llapaes. Pasamos esta localidá y siguimos, pol fondu del valle del ríu Nonaya, escontra El Carril y Quintana. Al pie d'esta última población, atopamos la fonte de Santiago y pocu más allá la de Fuentecaliente. A partir d'equí, el camín dexa de ser una pista y conviértese n'una sienda que traviesa una zona montiega hasta llegar a Casazorrina. A la so salida, cruciamos la carretera N-634 y retomamos la sienda que nos conduz al barriu de Mallecin, llegando a Salas pol paséu fluvial del ríu.
Tratándose d'un percorríu en llínea, firme y en bon estáu. Aconséyase utilizar cayaos y una mochila onde guardar l'agua y el “pinchu”. Nun escaecese de llevar calzáu y ropa para camudase (queda nel autobús). El aperitivo realizaráse pol conceyu de Salas.
Les places disponibles, van axudicase por rigorosu orde d'inscripción, siendo esta gratuita.
Les inscripciones van poder realizase del 22 d'abril al 3 de mayu na Casa d'Alcuentru de les Muyeres de Carreño, n'horariu de mañanes de 9 a 14:00 h y de tardes de 17:00 a 19h. El plazu remata el 3 de mayu a les 14:00 h.
Pa cualquier consulta, les persones comenenciudes tienen de ponese en contactu con Leyre Valdés Martínez (Axente d'Igualdá) na Casa d'Alcuentru de les Muyeres de Carreño (Plaza Gremio de Mareantes, 2, baxu. Candás) Tlf.: 985 87 20 29 Email: igualdad@ayto-carreno.es
Albandi
