Candás va disponer de nuevos contenedores pa pañales, sistema pioneru nel Principáu

Estos díes, el serviciu d'obres municipal peracaba la instalación de nuevos contenedores de color GRIS ESCURU para atender la demanda vecinal que se treslladó al Consistoriu.

Cola implantación del nuevu sistema piloto de recoyida de borrafes en Candás, enfocáu a ameyorar los niveles de separación de borrafes y reciclaxe, detectemos nueves necesidaes como ye'l casu de los pañales de les persones dependientes o'l de ñácaros y la so xestión. Na última sesión de la mesa de salú, la coordinadora del Centru de Salú de Candás treslladónos esi pidimientu. Y ye por ello, col doble oxetivu de, ameyorar el programa pilotu de la recoyida de borrafes y evitar les molesties derivaes del so almacenamientu nos llares los díes de recoyida orgánica, instaláronse na villa 4 contenedores específicos para la recoyida d'esti tipu de borrafa tan especial” – esplicó Roberto Bueno, edil de medioambiente.

D'esta miente na villa vamos atopar, a partir d'hora, distintos colores de contenedores:
1. Color MARIELLU reciclaxe (llates y borrafes plástiques)
2. Color VERDE reciclaxe (vidriu y botelles)
3. Color AZUL reciclaxe (cartón y papeles)
4 Color NARANXA reciclaxe (aceite)
5 .Color GRIS CLARU reciclaxe (materia orgánica)
6. Color GRIS ESCURU reciclaxe (demás refugayes)

El pasáu 18 de setiembre empecipiábamos la esperiencia pilotu de recoyida selectiva de borrafes orgániques en Candás. Un nuevu modelu de xestión de les borrafes urbanes, de la fracción orgánica, basáu nel sistema actual de cubos, puerta a puerta, nel que s'incorporó'l cubu marrón para'l depósitu d'esta. Un sistema nel que'l cubu negru de la fracción resto convive col cubu marrón de la fracción orgánica. Alternándose los díes de recoyida, d'unu y otru: llunes, miércoles, xueves, sábadu y domingu, cubos de color negru namá para la fracción resto; martes y vienres, serviciu de recoyida separada de materia orgánico por aciu la recoyida puerta a puerta con cubos de color marrón” señaló Bueno.

Esti serviciu del cubu marrón”, viose ampliáu cola instalación, nel mes d'ochobre, de 30 contenedores para materia orgánica, que disponen d'una llave para'l depósitu d'estes borrafes. Nestos 8 meses y mediu d'esperiencia recoyéronse 259.400 kg de materia orgánica, evitando'l so depósitu en vertideru. Semanalmente 48 tonelaes de borrafes, procedentes de Candás, son llevaes a Cogersa pal so tratamientu final, d'estes, como media,  9 tonelaes correspuenden a materia orgánica escoyida nel so puntu d'orixe, poles families y productores  (hostelería, tiendes,…) de la Villa. Llegando inclusive nel pasáu mes d'abril a les 10 tonelaes y media” comentó'l conceyal.

Per meses, los datos de los kilogramos totales d'orgánica recoyida en Candás nos postreros 5 meses son:
·         Avientu 2018                10.400 kg
·         Xineru 2019                        32.120 kg
·         Febreru 2019                    34.140 kg
·         Marzu 2019                       38.740 kg
·         Abril 2019                           42.420 kg

Anque son bonos datos, tenemos de siguir avanzando y ameyorando na separación de la materia orgánica, por cuenta de que, na recoyida d'esta, pudiera ser, por desconocimientu o falta d'información, siguen apaeciendo “impropios”, esto ye, vidriu, envases de plásticos, testil entemecíos, procedentes fundamentalmente de les borrafes depositaes polos productores” prosiguió'l responsable de Mediu Ambiente.

“El contenedor gris”.va ser un contenedor con llave, destináu a aquelles borrafes que nun entren en nengún otru contenedor de reciclaje. Va Tar destináu, puramente, a la recoyida de pañales, por cuenta de la incomodidá, qu'estos deriven, del so almacenamientu nos llares, una y bones el restu de borrafes pueden ser almacenaos ensin problema hasta'l so depósitu nel cubu negru” afirmó'l conceyal.
Estos nuevos contenedores van ser de color gris con una capacidá de 800 l, de polietilenu d'alta densidá, con sobre tapa de 35 l y doble pesllera. La elección del material ta empobinada a qu'el polietileno ye un material fuerte y resistente, a la calidá del mesmu, al disponer de protección contra los rayos ultravioletes y el coloriáu en masa. Amás disponen d'una base reforzada, con una forma afecha p'agospiar los cuatro ruedes de ñariz, dos de frenu, de goma reforzaes con aceru. Tapa flexible pa soportar mayores tensiones y vaciáu ameyoráu cola incorporación de pivoses y a un sistema de gabitos protexíos” rellató'l conceyal.

Los 4 contendores  grises, coles sos carcases y accesu por aciu llave se emplazarán en dellos puntos de Candás:
·         Nel Puntu llimpiu allugada na entrada al aparcamientu d'El Molín pola cai Barceloneta.
·         Na cai La Ilesia al pie de la carcasa esistente.
·         Na redolada de la Escuela Educación Infantil “La Marinera”, Plaza Gremio de Mareantes.
·         Nel Centru de Salú asitiáu na Avenida Reina María Cristina.

“L'allugamientu nel Centru de Salú de Candás  foi propuesta pola mesma coordinadora del Centru, Elena Pérez Iglesias, na última sesión de la Mesa de Salú, celebrada na Casa de la Cultura por convocatoria municipal. Pudiendo faer usu d'estos nuevos contenedores toes aquelles persones que tengan, o bien  persones dependientes al so cargu, o menores  nacíos a partir del añu 2017” avanzó Bueno.

P'aportar a esti nuevu serviciu, y adquirir la llave de los contenedores, va ser necesariu presentar  informe del médicu de cabecera nel que se constate l'usu de pañales o la receta electrónica de los mesmos pal casu de les persones mayores; ente que pa los menores de trés años va ser necesariu presentar el certificáu d'empadronamientu o nel so defectu el llibru de familia, xuntu al impresu de solicitú xenérica nel rexistru del Conceyu asitiáu na cai Santolaya, 1-3 de Candás, teléfonu 985.87.02, nel horariu:
llunes, miércoles, xueves y vienres de 9:00  a 14:00 hores.martes de 9:00 a 18:00 hores.

Asina mesmu podráse descargar los impresos de solicitú xenérica na páxina web municipal. www.ayto-carreno.es. El plazu de presentación de les solicitúes va tar abiertu a lo llargo del tol añu.
Una vegada presentada y comprobada la documentación necesaria, va autorizase la entrega de la llave, que va realizase nel Edificiu Polivalente “La Baragaña” de Candás.

La implantación d'esti nuevu sistema de recoyida, d'una borrafa tan específica como son los pañales, ye pioneru n'Asturies. Nun esiste Conceyu que tenga enllantáu esti sistema, nin nengún otru, de recoyida de pañales.  De nuevu Carreño, vuelve ser el primer conceyu asturianu n'enllantar un sistema de recoyida selectiva de borrafes, como yá lo fixo en septiembre, per delantre de grandes conceyos como Uviéu, Xixón, Mieres. Esto namá demuestra y pon de relieve'l  firme compromisu que caltenemos  col reciclaxe y la correcta xestión de los recursos pa la meyora de la nuesa redolada y convertir  les borrafes en fonte de vida” remató Roberto Bueno, Conceyal de Mediu Ambiente.