Entrega de premios de la promoción cheque-regalu en Candás

Nel salón de plenos del Conceyu celebró esta mañana la entrega de cheques al vecinderu que realizó compres nel conceyu del 3 al 20 d'abril. El pasáu día 25 efectuóse'l sortéu ente les casi trés mil papeletes participantes.

Trátase de la primer promoción del comerciu local d'anguaño nel marcu de collaboración suscritu col consistoriu carreñense. Apurriéronse 28 premios económicos por importe de 60 euros cada unu pa cambiar por compres nos comercios xuntaos de Candás.

La siguiente actividá de dinamización comercial va ser el miércoles, 22 de Mayu, a les 20:30 h nel centru polivalente “La Baragaña”. va realizase un desfile inclusivu en collaboración cola Fundación Fasad. Ta abiertu -hasta finales d'esta selmana- el plazu pa participar nél. Na web municipal y na conseyería de centru polivalente puede recoyese información y solicitúes pa participar. La próxima selmana van empezar los ensayos preparativos.