La Conseyería d'Educación y Cultura del Principáu d'Asturies va acometer esti branu les obres d'arreglu de les claraboyes del Institutu d'Educación Secundariu de Candás. Les obres, que fueron aprobaes na última comisión d'urbanismu celebrada nel mes de mayu, van tener un presupuestu inicial de 25.001,14 €.El IES de Candás asitítiase n'una parcela d'aprosimao de 13.588 metros cuadraos de superficie con superficie construyida de 3.148 metros cuadraos partíos en trés edificaciones: un ximnasiu; l'edificiu 1 o principal de trés llantes (planta baxa más dos altores), y l'edificiu 2 o secundariu de dos llantes (planta baxa más un altor). Sobre esta última edificación van llevarse a cabu los arreglos pertinentes.
“Con esta intervención pretende reparase y/o reponer el lucernariu esistente anguaño nel edificiu 2. La construcción cunta con un lucernariu con lluz cenital de policarbonato cilíndricu, que presenta mugores por filtración por cuenta de les inclemencies meteorolóxiques, al allugamientu de la instalación pública o al deterioru sufiertu nos últimos años” señaló Cecilia Tascón-Concejala d'Educación.
“Daes les necesidaes actuales del centru, y pensando nel futuru caltenimientu que va traer el lucernariu, decidióse sustituyir l'esistente de lluz cenital por otru de lluz llateral menos espuestu a les crudes inclemencies del tiempu, y construyilo con materiales más duraderos y sólidos” esplicó la Edil.
“Polo que la propuesta a realizar va consistir nun lucernario de forma rectangular, qu'ocupe esactamente y llugar del anterior, sofitándose na estructura orixinal del edificiu, por aciu una estructura llixera, revistida igualmente por materiales llixeros, de forma que nel so conglomeráu apurra'l mínimu pesu posible al so conxuntu, y con un calter bien prefabricáu de montaxe in situ. Na actuación inclúyese los medios auxiliares necesarios pa la correcta execución de los trabayos a realizar, según los medios de protección de la redolada onde se realicen puntualmente los trabayos, pa evitar posibles desperfectos. Coles mires de asegurar la continuidá de los aislamientos y evitar el frayatu de pontes térmiques o la estanqueidá de les xuntes. Tres la finalización de les meyores va dase una capa de pintura a les zones afectaes” prosiguió Tascón.
Pero esta nun foi la única actuación de meyora que la Conseyería d'Educación efectuó nos Centros Escolares de Carreño nestos años. D'esta forma, ente otres meyores:
• Nel IES. A los 25.001,14 € destinaos pal arreglu de les lucernaries del edificiu secundariu hai qu'añedir les obres na cubierta del ximnasiu efectuaes nel añu 2016, lo que supunxo 31.185,12 €.
• Nel Colexu San Félix. La rehabilitación de la envolvente térmica por un importe de 199.079 €.
• Nel Colexu Poeta. La Conseyería aprobó'l gastu pa la realización, mientres les próximes vacaciones del alumnáu, d'una serie d'obres que van ameyorar l'accesibilidá del centru. Como ye la instalación d'un ascensor (que la so llicencia foi aprobada yá en comisión d'urbanismu ) y l'acondicionamientu de los baños pa faelos más accesibles. Pa ello'l colexu dispon d'una partida de 91.885 €
El total de les meyores efectuaes pola Conseyería d'Educación y Cultura nos Centros Escolares del conceyu, nel períodu entendíu ente 2015-2019, supunxo una inversión de 354.264,89 €.
Albandi
