Entamu del plan de llimpieza de sableres en Carreño

Si hai una celebración que marque l'entamu del branu carreñense y por tantu la temporada de baños, ye la festividá de San Antonio. Tres esi día, cada añu, dan empiezu, de forma gradiada, una serie de servicios que'l Conceyu empresta nos arenales del Conceyu, como ye'l Salvamentu y Socorrismu y la Llimpieza Diaria de les cuatro sableres Palmera, Huelgues, Carranques y Xivares y les sos redolaes.

Esti serviciu, de Llimpieza de Sableres, arrincó güei vienres 14 de xunu, y va estendese hasta'l domingu 29 setiembre. Siendo emprestáu, nesta ocasión, tres el procesu de llicitación correspondiente, pola empresa ALVAC S.A.

Na llicitación pública, presentáronse 3 empreses, axudicándose'l mesmu a la empresa ALVAC, S.A. por un importe total de 72.480,21 € pa los 99 díes de duración del contratu y nos que se va efectuar el serviciu.

La prestación d'esti serviciu va traer la realización de les siguientes xeres:

–Llimpieza manual y caltenimientu de les condiciones d'hixene y seguridá de los siguientes espacios:
·         arenal de la Pregona ·
         sablera de Palmera pedreru d'El Conexal
·         sablera de Huelgues
·         pequeños pedreros en Perlora
·         sablera de Carranques
·         sablera d'El Tranqueru
·         sablera de Xibares
·         sablera de Peña María ·
         y les zones averaess a éstos incluyendo'l muelle y el paséu marítimu de Candás a Perlora, aparcamientu de Sablera Palmera y  zona recreativa de Paya Xibares y Peña María.

Estes xeres van consistir na llimpieza de suciedá como fueyes, papeles, plásticos, colilles, bagazos,… y cualesquier otru productu consideráu como borrafes urbanes; retirada de los restos depositaos nes papeleres y contenedores que s'atopen nos arenales, nos sos accesos y aparcamientos; retirada d'algues; llimpieza de fontes, duches, llava pies; llimpieza de baños y aseos; y la llimpieza refecha de ramples, escaleres, paseos y demás puntos no que pueda presentase dalguna incidencia tipu arramáu, verdín,…

–Peneráu del sable de les Sableres de Palmera, Xivares y Peña María.

Nesti casu va consistir esta xera na llimpieza mecánica por aciu medios mecánicos consistente na recoyida y separación de les facciones de sable y borrafes sólides. van retirase les borrafes cola menos cantidá de sable posible.
En tolos ámbitos desenvolveránse los trabayos de llunes a domingu, incluyendo les festividaes que pudieren dase bien de calter local, autonómicu o nacional. L'horariu d'entamu de los llabores va empezar  a les 7:00 hores y va enllargase a lo más hasta les 10:00 hores nos arenales y los sos accesos y hasta les 13:00 hores na redoma” señaló Onésimo Velasco – Conceyal en funciones de Sableres-.

Amás va haber un serviciu de llimpieza de tardes, a partir de les 17:00 hores nel que se va reincidir nel paséu del puertu, paséu marítimu, aseos, y aparcamientu de sablera Palmera. Atendiendo a cualquier sucesu estraordinariu que pueda presentase en dalguna de les 4 sableres. Nel casu del peneráu de les sableres, este va dar empiezu a les 6:00 hores y va enllargase a lo más hasta les 9:00 hores nos arenales” prosiguió'l conceyal.

Pa la realización de toes estes xeres la empresa axudicataria va disponer de 5 persones:  trés persones na categoría de operarios pa la llimpieza manual de sableres y dos conductores o tractoristas pal usu del tractor y de la peneradora. Como medios técnicos la empresa va poner a disposición del serviciu los medios mecánicos necesarios pal correctu desenvolvimientu de lo contratao como tractor, cribadora, furgoneta, hidrolimpiadora,…” remató Velasco.