Bruno Rodríguez Reguera y a María Victoria Rodríguez García con munches décades de trabayu a los sos llombos, esfrutaron del alcuentru y homenaxe cola so familia, directiva y los 140 asociaos de la entidá de mayores, que quixeron acompañalos nun día tan señaláu.
Bruno Rodriguez Reguera, de Candás, vilbu. Nació'l 3 de setiembre de 1923. Marineru de vocación y oficiu hasta qu'en 1963 entra a trabayar como lletricista en Tudela Veguín. Empresa na que llegaría a la edá de xubilación. Casóse con Luzdivina Gutiérrez Reguera cola que tuvo una fía y un fíu. Tien 2 nietes y nietu, amás d'una biznieta.
Bruno ye un home bien queríu y respetáu, non yá nel so barriu d'El Nodo, sinón en tou Candás. Y nun yera raru atopátelo, mientres la so salú acompañólu, colos sos dos cayaos y les sos gafes de sol escures nun paséu o folgando nun bancu en prestosa conversación colos sos vecinos y vecines.
Ye'l Presidente Honoríficu de l'Agrupación Socialista de Carreño. A los sos 95 años, nes últimes elecciones municipales celebraes el pasáu 26 de mayu, cerró la llista de la candidatura socialista, ocupando'l puestu númberu 20.
María Victoria Rodriguez García, vecina del barriu candasín d'El Regueral. Nació un 6 de marzu de 1928. Anque-y tocó ayudar en casa y realizar les llabores del campu, dir a la fuente por agua, llavar la ropa nel ríu, aprender a coser… tuvo tiempu pa dir a la escuela a Candás.
Casóse con 22 años, siendo esposa d'emigrante polo que tuvo qu'actuar de padre y madre coles sos dos fíes, Mª Victoria y Olga, hasta la vuelta del so home. Momentu esti nel que se treslladen a vivir a Candás, onde'l matrimoniu rexenta mientres munchos años el Chigre Vega. Tien 2 nietos y una nieta, amás de 2 biznietos.
Albandi
