Tres les apocayá empecipiaes llabores de llimpieza de sableres, empieza a funcionar nos arenales de Carreño, Palmera, Huelgues, Carranques y Xibares el serviciu de salvamentu y socorrismu en sableres con 21 profesionales, Coordinador (1), patrones (2) y socorristes (18) que van ocupar los sos puestos nes sableres hasta'l 29 de setiembre de 11,30 a 19,30 hores. Amás de les básiques llabores de salvamentu y atención de socorrismu, los equipos van llevar a cabu el desenvovimientu del programa "Un mar ensin barreres", que facilita l'accesibilidá al bañu pa discapacitaos y discapacitaes.

El procesu de selección de personal realizóse al traviés de la Federación Asturiana de Conceyos y el desenvolvimientu del plan SAPLA del Principáu d'Asturies pa la mayoría de los arenales de tola rexón.