!9 Empreses van participar na XXX Feria Rexonal de la Conserva de Candás

Na mañana d'esti 4 de xunetu celebróse na Casa de Cultura de Candás el sortéu relativu al allugamientu de stands de les empreses conserveres participantes.na XXX Feria Reaxonal de la Conserva que va celebrase nel puertu de Candás.

La Feria Rexonal de Conserva  2019 que dende va trenta años celebrándose nel Puertu de Candás va coyendo forma. Un feria, que na so XXX edición sigue ensin perder la esencia d'aquella primer edición. Un eventu que rinde homenaxe a la tradición conservera de Candás, convirtiendo de nuevu a la villa marinera, en centru neurálxicu de l'actividá mercantil conservera del norte d'España. Y que se va celebrar na escampada del muelle local ente'l 18 y 21 de xunetu.

Esta feria turísticu-comercial ta consolidada como referente de mercáu de conserveres nel norte del país, axuntando nesta edición a 19 empreses conserveres participantes, trés más que na pasada edición, procedentes de Cantabría, País Vascu, Málaga, Navarra y de xacíu d'Asturies. Unos díes onde'l protagonista por excelencia ye'l bonitu del Cantábricu que se nos va presentar de toles formes posibles  en toes cocíu al natural, n'aceite, en rollu confitado, n'escabeche, en paté, en marmitako,…ensin escaecenos de les tan apreciaes anchoes, moxones, caviar d'oricios, los patés,…”comentó Paula Cuervo-Conceyala de Turismu.

Amás de la comercialización de los productos anguaño'l nuesu oxetivu ye amontar la visibilidá del eventu ufiertando servicios adicionales a espositores que faigan del alcuentru conserveru un espaciu más curiosu al traviés del so conteníu a lo llargo de los 4 díes de la feria. Convirtiéndolo nun eventu cultural cola actividá venceyada a la conserva y los sos productos” señaló la Conceyala de Turismu

"Con estes premises, programáronse una serie d'acciones como ye una máster class, xornaes gastronómiques, ponencies,… la primera d'estes acciones celebró esta mañana. Al términu del  tradicional sortéu de los stands desenvolvióse la ponencia empobinada a les empresa conserveres “Innovación aplicada a la comercialización de productos” como un exemplu de bones práctiques, sobre innovación abierta y diferenciación comercial impartida por Ramón Álvarez Suárez, Xerente de la Nueva Rula d'Avilés” remató la Conceyala.


Les empreses conserveres que van participar nesta XXX edición de la Feria Rexonal de la Conserva van ser:

• Conservas Eutimio – Llastres, Asturies
• Conservas Blassan – Santoña, Cantabria
• Conservas Lanza – Navia, Asturias
• Anchoas Hazas – Llastres, Asturias
• Conservas Artesanales Telva – Llastres, Asturies
• Conservas Consermar – Málaga
• Conservas Costera – Xixón, Asturies
• Conservas Agroamar – Gijón, Asturias
• Conservas El Viejo Pescador – Tapia de Casariego, Asturies
• Conservas Ortema – Navarra
• Conservas Regiomare – Santoña, Cantabria
• Conservas Hoya – Santoña, Cantabria
• Conservas La Abuela María – Santoña, Cantabria
• Conservas Ortiz – Ondárroa, Vizcaya
• Conservas Ana María – Santoña, Cantabria
• Conservas Orgías del Mar – Xivares, Carreño, Asturies
• Conservas La Polar – Gijón, Asturies
• Conservas Remo – Xixón, Asturies
• Conservas Rueda – Santoña, Cantabría