Campeonatu de Caza nel Areo, 25 Memorial Luis Ángel Fernández Blanco

Esti eventu ye un exemplu de confraternidá y camaradería nél participen cazadores d'Aragón, Castiella y Llión, Galicia y Asturies nun ambiente inmeyorable. La SOCIEDÁ DE CAZADORES DE CARREÑO "SAN HUBERTO" que xestiona'l cotu CARREÑO de 5.872 ha., que toma terrenes de Carreño y parcialmente Xixón, celebró nel Monte Areo la 25 edición del memorial dedicáu al nuevu cazador de Ambás, tristemente fináu, Luis Ángel Fernández Blanco.

5 Cazadores de Castiella Llión, 3 procedentes de Galicia, unu d'Aragón y 9 d'Asturies diéronse cita nel Monte Areo. La prueba sobre perdiz foi xulgada por José Ramón Brujas y resultó ganador el cazador de Castiella Llión, Joaquín del Hoyo Muñoz. El segundu premiu algamólo el cazador asturianu, Enrique Caastro Cañada “ Kike”, y el tercer puestu foi pal cazador de Castiella Llión, Andrés García Sánchez. El Meyor perru foi “Biko” del xixonés Enrique Castro.

Dende fai más de 10.000 años (nel Paleolíticu Cimeru) tenemos noticies d'actividá cinexética humana nel Conceyu de Carreño gracies a los restos de La Cueva Escura de Perlora y de los tumulares, un pocu más modernos (solo 5.000 años) enclavaos nel Monte Areo, que, con una altitú de 260 metros sobre'l nivel del mar, ye nuesa mayor cume. Siguiendo esta milenaria y atávica tradición cinexética constituyóse, allá pel añu 1982, concretamente'l 28 d'ochobre, la Sociedá de Cazadores de Carreño, que, colos sos 580 socios fundadores, recibió la concesión del Cotu Priváu de Carreño de conformidá coles disposiciones de la Llei 1/1970, de 4 d'abril, de Caza del Principáu d'Asturies, que yera comprensivu de los 66,70Km2 que tien d'estensión el Conceyu. Esta Sociedá de Cazadores de Carreño a lo llargo de les sos 31 años d'hestoria y sol mandatu de 3 Presidentes (D. Fernando García Fernández, D. José Manuel Muñiz Menéndez y l'actual D. Evaristo Martínez Cuervo vieno, non ensin encarar distintes y diverses dificultaes, ordenando y fomentando la caza menor y mayor del Cotu puestu so la so responsabilidá, siendo de destacar l'aclimatación y promoción del faisán como especie cinexética nel Conceyu y la protección y tutela desenvuelta en relación a la población de corzos.

Los premios fueron apurríos por conceyales del Conceyu de Carreño y la madre del cazador al que se dedica'l memorial Charo Blanco. Asistieron a esta edición del campeonatu los conceyales de deportes, David García y de mediu rural, Manuel Noceda, tamién el guarda forestal de la zona y familiares del homenaxáu.

Nel intre del mesmu'l Presidente de la entidá tuvo detalles pa toles muyeres de cazadores participantes, una emocionada alcordanza pa los cazadores finaos del Coto, y agradecimientos pa dellos collaboradores emblemáticos del tornéu. Na zona de avituallamiento realizóse una esposición con semeyes arrexuntaes de les distintes ediciones.

Como tolos años, dicha competición rematóse con una corderada realizada por un afamáu asador de la zona.