Campus tecnolóxicu xuvenil en Candás

El Centru polivalente La Baragaña acueye una nueva edición del Campamentu d'Ociu Tecnolóxicu patrocináu por EDP.

L'oxetivu d'esta actividá ye averar la ciencia y les nueves tecnoloxíes a los neños y les neñes de Carreño, amás d'apurrir una actividá lúdica cola que poder conxugar la vida familiar cola vida profesional de les families na dómina veraniega” comentó David García-Conceyala de Mocedá.

La empresa encargada d'impartir el taller ye CID KIDS (www.cidkids.com), una empresa con más de 30 años d'esperiencia acompañando a persones en tolos niveles de la vida a crecer personal y profesionalmente. Les sesiones van ser primero del too dinámiques y práctiques. Nes qu'al traviés de distintes actividaes y de una manera lúdica foméntase la innovación, la creatividá y el talentu, habilidaes que-yos esixirá'l futuru mercáu llaboral. Nesta segunda edición tolos inscritos son varones” señaló'l conceyal.

La temática que se va tratar nes venti hores formatives trata sobre:

·         Programación con Minecraft    
·         Programación con Arduino 
·         Creación d'Aplicaciones Móviles
·         Música Dixital  
·         Diseñu de Videoxuegos Diseño y animación 3D

En cada unu de los dos grupos que consta esti programa educativu-lúdicu pónense a disposición de la ciudadanía 13 places, pa cada unu. Les persones que deseyaben participar namá teníen de cumplir dos requisitos, tar empadronaos/es y tener ente 10-15 años. Les places axudicáronse por rigorosu orde d'entrada de les mesmes nel rexistru municipal. En total de les 26 places disponibles tán cubiertes 22. Cubriendo'l grupu de la mañana toles sos places” prosiguió'l Conceyal.

D'esta forma los 22 menores que participen pártense nel siguiente horariu:

·         13 neños, el máximu nel Grupu 1, de 10 a 14 h.
·         9 neños nel Grupu 2 de 16 a 20 h.

El Campamentu d'Ociu Tecnolóxicu de Candás ye una actividá gratuita, que se desenvuelve del  15 al 19 de xunetu, dambos inclusive.