Convocaes 4 places de Policía Local

La Conseyería de Facienda, al traviés del Institutu Adolfo Posada, por delegación espresa del Conceyu de Carreño convoca les oposiciones pa cubrir la provisión  de les cuatro places d'Axente de Policía Local en Carreño, de les cualos una correspuende a la Ufierta d'Empléu Públicu del 2017 y les trés restantes a la del 2018.

Estes cuatro places encuádrense dientro del procesu selectivu que'l Principáu convocó, tres la delegación efectuada por 18 Conceyos a l'alministración del ente autonómicu pa la realización de los procesos selectivos de funcionarios/es de los cuerpos de Policía Local, na categoría d'Axente, pol sistema de vez llibre. En total son 79 places les convocaes.

Tres la publicación el pasáu 2 de xunetu de la convocatoria de la bases nel BOPA, que van rexir esti procesu selectivu, aquelles persones que deseyen participar nestes pruebes selectives van poder presentar la so solicitú nel plazu de 20 díes hábilesdende al otru día a la publicación de la convocatoria. El plazu de presentación de solicitúes va rematar el 30 de xunetu.

Ente los requisitos necesarios pa poder allegar a estes places atópense, ente otros:
• Tener la nacionalidá española.
• Tener la edá mínima de 18 años y nun entepasar de la edá máxima de xubilación forzosa legalmente establecida.
• Tar en posesión del Títulu de Bachiller o Técnicu.
• Tener una estatura mínima de 1,65 metros pa home y 1,65 metros pa muyeres.
• Tar en posesión de los permisos de conducción A y B o los sos equivalentes.
• Escarecer d'antecedentes penales pola comisión de delitos maldosos.

El procesu selectivu va realizase por aciu el sistema d'oposición. El cual va tar integráu por cuatro exercicios, toos ellos de calter obligatoriu y eliminatoriu. La superación del postreru d'ellos nun va implicar el llogru de la plaza:
• Primer exerciciu: Test de conocencies. Va Consistir en contestar por escritu un cuestionariu de 80 entrugues que van tratar les materies de programa establecíu nel anexu III de la convocatoria.

• Segundu exerciciu: Pruebes Físiques fayadices a la capacidá necesaria pa les funciones propies de les places convocaes y tendentes a comprobar, ente otros aspeutos, les condiciones d'equilibriu, velocidá, resistencia, potencia y coordinación.

• Tercer exerciciu: Pruebes d'aptitú psicosocial. Va Consistir na realización de dos pruebes de calter eliminatoriu, un exame sicotécnicu y una entrevista personal.

• Cuartu exerciciu: Reconocencia médica. Esta prueba ta dirixía a comprobar que nun alleguen ente les persones aspirantes nenguna de les causes posibles d'esclusión establecíes nel anexu I de la convocatoria.
 
El primeru y segundu exerciciu va calificase pol sistema de puntos, siendo necesariu pa superalos llograr la metá de la puntuación máxima posible. Nel casu del tercer y cuartu exerciciu van calificase como “aptu” o “non aptu”. Nun pudiendo empezar el primeru de los ejerciciosantes de que trescurran trés meses dende la fecha de la convocatoria, polo que previsiblemente van dar empiezu a lo llargo'l mes d'ochobre. 

La presentación de les solicitúes podrá realizase de dos formes:
• Solicitú electrónica aportando al portal de l'Alministración del Principáu d'Asturies www.asturias.es/iaap o al traviés de la see electrónica del mesmu portal.

• Solicitú formal. Nesti casu namá van ser almitíes les instancies o solicitúes rellenaes en modelu normalizáu. Y tendrán de presentase nel Rexistru Xeneral Central de l'Alministración del Principáu d'Asturies, o por cualesquier de los medios establecíos na Llei de Procedimientu Alministrativu.
Pa una información más detallada consultar el siguiente enllaz nel que s'atopen les bases que van rexir la convocatoria colos sos anexos https://sedemovil.asturias.es/bopa/2019/07/02/2019-06762.pdf