La Comisión de Festexos, COFEVA, que preside Isabel Cantares Chicón programó diverses y variaes actividaes pa tolos públicos que va tener como escenariu principal la carpa instalada nel prau de la fiesta nel barriu de La Maquila.
Tolos díes va ufiertar na barraca costellada a precios populares. Y en esti marcu festivu, van entamar col patrociniu del Conceyu de Carreño y la Conseyería Desenvuelvo Rural y Recursos Naturales, la edición númberu XXXVIII del CERTAME DE PRODUCTOS AGROALIMENTARIOS DE CARREÑO.
El programa festivu arrinca esti Vienres, día 19 de xunetu, a les 18 hores con un Taller de cestería que va impartir María Pilar Vega Suárez. Pa participar nel mesmu disponse de quince places. Nel intre del mesmu van ellaborar un cestu por participante, unos cola parte de baxo de madera y otros de cerámica, a escoyer. A partir de les 23:00 h. verbena amenizada por: DJ Discoastur.
El Sábadu, 20 de xunetu, a les 17h. Concursu de pintura y xuegos infantiles (pa menores de 14 años), a 18 h. carrera d'atletismu XII edición de la Xubida a la Peña´l Carru nel Monte Areo” cola collaboración del club atletismu Ocle de Candás. A les 19:00 h. Campeonatu de ping-pong. Y a les 23:00 h. verbena colos grupos “Dúo Pamela” y Dj “ Discoastur “.
El Domingu 21, día grande de les fiestes, a les 12:15 h. misa solemne oficiada por Manuel Ángel García, cura párrocu de Sta. Eulalia d'El Valle, y cantada, nel marcu del conveniu suscritu pola entidá coral y el Conceyu, pela Coral Aires de Candás” que dirixe Marco Antonio García de Paz. La Coral candasina va estrenar n'El Valle una adaptación d'un cantar rellacionáu cola xera agrícola de la siega. A les 13:00 h. al rematar la misa sesión vermouth y actuación del grupu de baille La Folixa de Carreño. A las14:00 h. va faese públicu'l fallu del xuráu del XXXVIII Certame de productos agroalimentarios de Carreño. A les 18 h. Taller de FIGURES CON FLORES, impartíu pola florista local Artumisa Alonso Raspiada. A les 19:30 h. “SHOWCOOKING” con productos de la güerta del Valle de Carreño, a cargu del chef Iván Martínez Villar del Rte. “La Gran Vetusta” n'Uviéu. A les 23:00 h. Verbena amenizada por DJ “ Discoastur”.
El día de la Llacuada, Llunes 22 a les 17:00 h. va arrincar la marcha popular ciclista IX memorial a Jorge Prieto Menéndez. Prueba cicloturista que lleva na so denominación l'alcordanza a un mozu de la parroquia, fináu n'accidente de tráficu y que formaba parte de la Comisión de Fiestes. Pa participar nella ye obligatoriu llevar cascu. A les 18:00 h. Taller d'ellaboración XABONES ARTESANALES, impartíu por Óleum Xabones. Maestros artesanos del xabón afincaos en Santolaya de Cabranes que recoyeron los métodos ancestrales d'ellaboración y aprovechen tolos recursos que la naturaleza brinda, recoyendo los sos sutiles arumes con cuenta d'ufiertar un cúmulu de sensaciones en cada productu qu'ellaboren. Les persones que s'inscriban nel taller van trabayar por pareyes na ellaboración de xabones artesanales. A les 21:00 h. espicha popular puramente pal vecinderu de la parroquia, collaboradores y espositores del certame agroalimentariu. Mientres la mesma, entrega de premios de los diversos certames y sortéu de regalos ente asistentes y Chicolatada.
Albandi
