Esti Vienres, 19 de xunetu a les 19:30 h., va tener llugar nel Centru d'Escultura de Candás, Muséu Antón la inauguración de la esposición “Líneas” d'Iván Fernández González.
La esposición ta formada por una serie d'obres pictóriques y delles obres escultóriques, constituyíes por tables de surf dafechu funcionales ya inédites, esto ye, creaes específicamente pal proyectu, con formes y soluciones técniques totalmente novedoses.
Toles tables cunten con ilustraciones basaes nes interrellaciones ente dos de los componentes básicos de la espresión artística bidimensional : la llínea y la forma.
La esposición compleméntase con un vídeu y documentación fotográfica que recueye distintos momentos de creación del proyectu y de les pruebes realizaes ente les foles del Cabu Peñes. El vídeu, “Líneas, A Surf Poem”, foi escoyíu na selección oficial del Bilanu Surf and Skate Filme Festival 2018.
Iván Fernández (Candás, 1973), conocíu nel mundu artísticu como Coyote Painting Walls, ye un artista multidisciplinariu que'l so trabayu entemez pintura, escultura, performance de distintos mecanismos de tresformamientu semánticu y semiótica.
Iván vivió y desenvolvió la so carrera artística ente Milán, Boston, Asturies y dende el 2015 trabaya en Barcelona.
Dempués d'unos primeros años d'investigación artística personal, formaliza les sos conocencies artístiques en Boston onde, a partir del 2010, estudia na School of the Museum of Fine Arts, y entra en contactu con William Kentridge y la so obra.
En Boston, el Coyote da un entorno al so llinguaxe artísticu trabayando na idea del proyectu “Presencias”, galardonáu cola XX Beca Antón d'Ayuda a la Creación Escultórica nel 2012.
La esposición, va poder ser visitada nel Centru d'Escultura de Candás, Muséu Antón hasta'l 1 de setiembre. L'horariu de visites ye de martes a domingos de 12:00 a 14:00 y de 18:00 a 21:00 h. La entrada ye gratuita.
Albandi
