El Principáu y El Diañu, dos establecimientos de Candás, debuten anguaño nel certame.
El xuráu va tar presidíu pol chef carrense Pedro Morán y va cuntar cola participación del so fíu Marcos Morán, Luis Alberto Martínez de Casa Fermín (Uviéu), Juan Rivero de Casa Tataguyo (Avilés), Abel Terente del Asador d'Abel (Siero), Eduardo Méndez Riestra, Presidente de l'Academia Asturiana de Gastronomía y el chef malagueñu Daniel García, con trés estrelles Michelin, unu de los cocineros andaluces con mayor proyección internacional na actualidá.
El Paséu de San Antonio va acoyer el próximu xueves 1 d'agostu, Día Grande de les Fiestes, como vien siendo habitual, la Cincuenta edición del Festival de la Sardina. Un eventu que forma parte del calendariu branizu asturianu de Fiestes d'Interés Turísticu Rexonal. Y dende les distintes árees implicaes na organización de les distintes actividaes, encabezaes pola Conceyalía de Festexos, peracábense los preparativos de les Fiestes de San Félix de Candás.
Cuatro intensos díes de música, deporte, actividaes náutiques y gastronomía. Nos que dientro de la programación prevista pa esti día destaquen trés actividaes, el Cincuenta Festival de la Sardina, nel prao de San Antonio, y los Conciertos de “los 40 principales Summer Live” nel muelle local y el de cántabru Nando Agüeros nel Parque de Les Conserveres.
Nesta ocasión la L edición del Festival de la Sardina” de Candás, declaráu Fiesta d'Interés Turísticu Rexonal, va cuntar con 7 establecimientos d'hostelería, unu más que na pasada edición, y de los cualos dos van participar per primer vegada nel festival. Estos son:
· Brisass Candasinas- Candás
· Casa Repinaldo-Candás
· Sidrería Nordeste-Candás
· Restorán La Marina-Lluanco ·
El Frontón-Xixón
· Cafetería - Hotel El Principáu-Candás
· Pizzería El Diañu-Candás
Ellos van ser los encargaos de faer a la plancha alredor de 5.000 quilos de sardines a partir de les 17:00 hores nel Paséu de San Antonio. Una xornada, marcada non yá pol ensundiosu festival gastronómicu sinón tamién pola diversidá d'actividaes qu'inclúi'l programa festivu previstu. Ésti va dar empiezu a mediudía cola celebración de la Misa Solemne n'honor al patrón “San Félix” y col desfile de cabezudos y gaiteros. Tres ello, va ser la vez a les 13:00 hores na Antigua Fábrica d'Ortiz del coru procedente de Hong Kong “Yips Children Choir”. Pela tarde, nel espaciu onde se celebra'l Festival gastronómicu'l grupu de baille tradicional “San Félix” de Candás y la fanfarria “Pepe el Chelo y sus marchosos”, van ser los encargaos de l'animación mientres el xuráu delibera los premios.
Un xuráu profesional va ser l'encargáu de valorar les sardines sirvíes a lo llargo del Festival. Nesta ocasión cuntóse cola participación del chef malagueñu trés Estrelles Michelín Dani García, amás de les siguientes personalidaes del mundu de la gastronomía:
ü Pedro Morán y Marcos Morán del Restorán Casa Gerardo-Carreño. Pedro una vegada más va tener asignada la xera de presidir el Xuráu.
ü Luis Alberto Martínez de Casa Fermín (Uviéu).
ü Juan Rivero de Casa Tataguyo (Avilés).
ü Abel Terente del Asador d'Abel (Siero)
ü Eduardo Méndez Riestra-Presidente de l'Academia Asturiana de Gastronomía.
ü Daniel Garcia, (Marbella, Málaga; 30 d'avientu de 1975) ye un restaurador y empresariu español.
L'artesanu del sabor. 3 estrelles Michelin. Formáu na Escuela d'Hostelería de Málaga La Cónsula, en 1996 empecipia la so carrera de la mano de Martín Berasategui, siendo nestos años nos que se reafita la so vocación y pasión pola gastronomía, definiendo'l so estilu de cocina y escoyendo el sabor como denominador común de la mesma. Y ye que Dani se define a sí mesmu como un artesanu del sabor’ que consigue aunir nun mesmu platu los productos propios de la so tierra coles técniques ya ingredientes de la cocina más internacional. Mientres el so pasu por Tragabuches (1998-2004), proyectu familiar onde s'alza, con namá 25 años, cola so primer estrella Michelin, desenvuelve una cocina llena d'intención, mocedá y color ente que ye n'Asoria (2005-2013) onde algama'l maduror como cocineru, apodera la técnica y conviértese nel primer chef bi-estrelláu d'Andalucía. Una etapa que supon una gran evolución y aprendizaxe yá que desenvuelve una cocina cargada d'imaxinación onde la técnica ta al serviciu del sabor. La so llegada en 2013 a Nueva York déxa-y conocer nuevos modelos de negociu, nueves técniques y nuevos ingredientes. Esta constitúi la so etapa de mayor crecedera personal y profesional, un añu nel qu'abre la so mente y les fronteres de la so cocina pa convertise nel cocineru multicultural que ye anguaño. Un añu dempués, en 2014, empecipia la so etapa creativa más personal cola apertura, nel hotel marbellí Puente Romana Beach Resort & Spa, del so restorán gastronómicu “de cuento” Dani García Restorán –reconocíu con trés estrelles Michelin, dende noviembre de 2018- y de BiBo Andalusian Brasserie & Tapes, dos conceutos bien distintos pero coles sos cocines conectaes ente sí y xuníes por un denominador común: el productu y el recetario andaluz como base y el calter internacional como filo conductor. Nel 2016 empecipia la espansión del so conceutu más informal y democráticu cola apertura de BiBo Madrid en plenu Paséu de la Castellana, que xunto colos trés restoranes de Marbella, Dani García Restorán con trés estrelles Michelin, BIBO y Llobín de Mar, y el serviciu de catering del chef Dani García Eventos formen el Grupu Dani García. Dende marzu d'anguaño presenta'l programa culinariu de televisión “Faer de comer” en La @1 de TVE.
Daniel García, xuntu col restu del xuráu van ser los escoyíos pa dictaminar quien se va llevar anguaño la Sardina d'Oru, Plata y Bronce, premios otorgaos a los establecimientos hosteleros que meyor sardina ufierten. Al empar que se fai públicu'l fallu del xuráu van dar a conocer les Sardines d'honor, distinción honorifica que va otorgar el Conceyu nesta cincuenta edición del certame.
El xuráu va visitar mientres la tarde del 1 d'agostu tolos stands y al rematar van realizar una cata de les sardines de tolos stands. van puntuase les sardines, la sidra y l'aspeutu del stand atendiendo a los criterios siguientes:
· Sardines
- Presentación de 0 a 5 puntos
- Sabor y testura de 0 a 30 puntos
· Sidra
Valoración de la mesma de 0 a 5 puntos
· Stand
- Llimpieza y orde de 0 a 5 puntos
- Decoración de 0 a 5 puntos
- Uniformidá del personal de 0 a 5 puntos
- Plancha, de 0 a 5 puntos
Tres la degustación de les sardines, les persones qu'asistan al Festival van poder escoyer ente dos actuaciones musicales. Per un lláu, nel Puertu de Candás a les 22:00 hores va dar empiezu'l Conciertu de “Los @40 Principales Summer Live” coles actuaciones de Pol Granch, Alfred García, Beret, Sinsinati y el dj David Álvarez. Y, por otru, nel Parque de Less Conserveres a les 23:30 hores l'actuación del autor de temes tan conocíes como “Viento del Norte o “La Santina”, el cántabru Nando Agüeros. Una vegada rematen estes actuaciones, DJ instaláu na Plaza de La Baragaña.
Albandi
