Albandi celebra les sos fiestes Sacramentales

Esti fin de selmana, del 10 al 12 d'agostu, inclusive, la parroquia carreñense de Albandi celebra les sos Fiestes Sacramentales. Unes fiestes entamaes pola Asociación de Festexos “La Esfoyaza”, que ellaboró un completu programa cargáu de tradición col que va intentar volver dar la rellumanza d'antaño a unes fiestes que lleven unos años ensin poder celebrase.

L'asociación de festexos que preside Jessica Álvarez Villanueva programó diverses y variaes actividaes pa tolos públicos que va tener como escenariu principal la Cancha Polideportiva del CIR d'Albandi. Ente les que destaquen les actuaciones musicales, los concursos gastronómicos, eventos deportivos, exhibición de deporte tradicional, los xuegos y actividaes pal públicu infantil o la tradicional entrega del bollu a lespersones socies de l'Asociación Vecinal “Santiago de Albandi”.

Amás tolos díes a partir de les 20:00 h va ufiertar na barraca instalada na cancha costellada a precios populares

La Comisión de Festexos “La Esfoyaza” de Albandi ye unaasociación bien nueva pero que, en poco menos d'un añu d'esistencia consiguió entamar unes grandes fiestes sacramentales. N'anguaño d'esistencia entamó, non solo estes fiestes, si non que dende noviembre a xunu entamó festivales gastronómicos, actividaes culturales, lúdiques-festives con un oxetivu principal, recaldar fondos colos que financiar estes fiestes.

Unes actividaes nes que siempres tuvo presente la idea, non yá de recaldar fondos, si non la de faer d'estes xornaes verdaderos puntos de confraternización del vecinderu. Coles  que recuperar les nueses tradiciones d'antaño, y nes que siempre tuvo bien presente la cultura asturiana y de xacíu la nuesa gastronomía. D'esta forma, empezando de cero, pero con munches ganes de trabayar, empezaron la so andadura nel mes de noviembre cola organización de la Esfoyaza-Amaguestu, tres esta llegó la celebración de San Antón en xineru y l'Antroxu en febreru. Cuando los díes faíense más llargos, n'abril llegó la Xornada de los Tortos. Y en xunu, per San Xuan, recuperen la tradicional foguera de San Xuan y l'enramáu de les fontes. 

El programa previstu pa la celebración de les Fiestes Sacramentales de Albandi los díes 10, 11 y 12 d'agostu na Cancha Polideportiva del CIR va ser el siguiente:

Sábadu 10 d'agostu:
13:00 h. Chupinazo d'apertura 
17:00 h. Concursu de dibuxu infantil, maquillaxe y globoflexia pa los participantes
18:00 h. Concursu de tartes con xuráu profesional
23:00 h. Actuación de SHEY REVUELTA y ÁNGEL DEL AMOR DJ
Domingu 11 d'agostu: 
12:00 h. Procesión y Santa Misa Solemne 
13:00 h. Sesión vermú col grupu de baille "San Félix" de Candás
18:00 h. Fútbol 7  ente la plantiya del CD Aboño pre-temporada 
21:00 h. Entrega de premios de los concursos y partíu
22:30 h. Nueche amenizada por JOTA DELUXE EVENTOS MUSICALES
Llunes 12 d'agostu:
13:00 h. Sesión vermú
14:30 h. Gran paella popular (previa inscripción)
18:00 h. Exhibición de deportes autóctonos a cargu del Club Rural Monte Areo
18:00 h. Entrega del bollu a los socios de la AAVV Santiago de Albandi
22:30 h. Verbena con DÚO VIBE patrocinada pola AAVV Albandi
24:00 h. Fueos artificiales
Tolos díes a partir de les 20:00 h. gran costellada, y Martes
de madrugada, gran chicolatada fin de fiestes