A partir d'esti pasáu miércoles 21 d'agostu, apaez nel Perfil del contratante na Plataforma del Sector Públicu l'anunciu de la llicitación pública de la contratación del Plan Director del Muséu de la Industria Conservera de Candás asitiáu na Antigua Fábrica d'Ortiz.

“La villa de Candás ye conocida como villa marinera con una economía y unes xentes siempre venceyaes al mundu de la mar, pesca y les sos actividaes derivaes, como la industria conservera. Anque l'actividá pesquera y toles rellacionaes con ella, verdaderamente perdieron importancia respecto al pasáu, la creación d'un muséu de la Industria tien como finalidá'l fomentu del patrimoniu cultural marineru de la nuesa Villa, centrándolo na tradición pesquera y conservera, en tantu valores culturales. Y en la que los equipamientos culturales exercen una influencia económica dinamizadora sobre'l territoriu pa xenerar actividá tresversal en dellos sectores económicos, pos atraen visitantes y faciliten la xeneración d'actividaes recreatives rellacionaes colos valores culturales” señaló Juan José Fernández-Conceyal de Cultura.

“La contratación d'una asistencia técnica esterna y especializada pa la realización del Plan Director” pretende poner en valor una actividá tradicionalmente enraigonada en Candás, y que mientres décades traxo empleos y riqueza a la Villa: la industria conservera. Trátase de la primer vegada que nel conceyu plantégase un estudiu d'usos y un plan de viabilidá pa l'adecuación d'un bien catalogáu como Patrimoniu Industrial pa convertilo de forma sostenible nun equipamientu museístico y cultural” rellató'l Conceyal.

“Tres l'aprobación definitiva del espediente pa la contratación, de los Pliegos de Clauses Alministratives y Prescripciones Técniques que van rexir el procesu d'axudicación del contratu, un abiertu simplificáu embrivíu, el siguiente pasu ye l'anunciu de la llicitación de les obres. El cual salió publicáu nel día de güei, 21 d'agostu, polo aquelles persones, empreses, entidaes que tean interesaes en resultar axudicataries tendrán de presentar les sos ufiertes nel plazu de diez díes hábiles cuntaos a partir del día siguiente a la publicación. Rematando'l plazu'l próximu 4 de setiembre a les 15:00 hores. El presupuestu base de la llicitación, con cargu a la partida 333 22706 “Plan Director del Muséu de la Industria Conservera de Candás” del presupuestu a valir, va ser de 32.670 €, pal mes de duración del contratu” esplicó'l Conceyal.

Del presupuestu de llicitación de 32.670 €, el 64%, 22.869 € van ser financiaos pol Conceyu de Carreño; ente que el 36% restante, 9.801€ van ser financiaos al cargu de subvención otorgada al Conceyu al traviés de los Fondu Européu Marítimu y Pesqueru (FEMP) na zona del Cabu Peñes pa convocatoria 2019, y qu'añalmente concede la Conseyería de Desenvolvimientu Rural y Pesca del Principáu d'Asturies.

“Na convocatoria añal de los fondos FEMP propunximos a la Dirección Xeneral de Pesca'l proyectu d'ellaboración del Plan Director del Muséu de la Industria Conservero de Candás”. El proyectu pal que solicitó l'ayuda consta de dos fases: na primera, l'añalidá del @2019 la realización del Plan Director”; y na segunda, l'añalidá 2020, la esposición temporal sobre les conclusiones del estudiu. Pa ello foinos concedida una subvención pa les dos añalidaes de 19.156 €. Estes ayudes tán cofinanciaes pola Unión Europea nun 85% y el Principáu d'Asturies nun 15%” prosiguió Fernández

“L'oxetivu xeneral d'esti proyectu cultural ye'l de poner en valor la dimensión cultural de la mar como seña d'identidá d'un pueblu amás de promover y espublizar la identificación del vecinderu cola so tradición marinero y pescador, según la de los sos visitantes; consolidar la imaxe pesquera de Candás por mediu de la so asociación a l'actividá pesquera y conservera; potenciar el so curiosu; y poner en valor la so tradición marinera, y la so especial relación coles actividaes derivaes de la pesca” aprofió'l Responsable de la Área.

“Pa ello la empresa axudicataria del contratu va ser la encargada de la ellaboración del estudiu que va establecer les directrices básiques pa la conversión del actual edificiu de l'antigua “Fábrica d'Ortiz” nun centru museísticu de referencia,. va encargar d'estudiar y analizar en fondura la situación actual del equipamientu, y va proponer los medios que considere pa la puesta a puntu del Muséu, pero siempre teniendo presente la viabilidá económica de la propuesta, según la compatibilidá d'usos del espaciu, combinando la so función museística cola d'espaciu cultural d'usos múltiples” remató'l Conceyal de Cultura.