La peña praviana'l Tronco impónse na XXVIII edición Troféu de Bolu Batiente de Carreño 

La Bolera d'El Empalme, na parroquia de Prevera acoyó, una vegada más, la XXVIII edición del troféu de Bolu Batiente PDM de Carreño entamáu pol Patronatu Deportivu Municipal xuntu cola Peña Bolística “Casa Genaro”.

Na cita deportiva, en representación del Conceyu de Carreño, allegó'l so conceyal de Deportes, David García.

“Una competición que por si namá se convirtió en toa uuna tradición, una de les bases sobre la que s'asitia la continuidá y la fuerza de la modalidá. Los bolos de batiente como seña d'identidá cultural que nos representa como únicos énte otres comunidaes y que la so importancia hai que resaltar y promover, na midida de lo posible dende les alministraciones, compensando que nun  se cunte con representación en competiciones nacionales o internacionales y por tanto, una modalidá deportiva namá enllantada na nuesa tierra” señaló David García, Conceyal de Deportes.

“L'oxetivu d'esta prueba nun ye otru que la promoción de la modalidá de bolu batiente cola que dar mayor relevancia a esti deporte tradicional con una prueba de gran prestíu por toa Asturies y que tien un calter continuista” prosiguió'l conceyal. 

Una prueba abierta a toles  persones aficionaes a los bolos, que non yá rexuntó a un numberosu públicu, sinón qu'animó a los participantes veníos de 4 Peñes Bolístiques asturianes, ente les que s'atopa la carreñense “Casa Genaro”. Les persones participantes distribuyéronse en 4 categoríes: Infantiles; Veteranos; Primer Categoría; Segunda Categoría. Siendo necesariu pa participar tar federáu/a.

Tres la competición tanto'l públicu asistente como les persones participantes na prueba fueron agasayaos per parte de la organización d'unos bollos preñáos

Clasificación de la XXVIII Troféu PDM Carreño de Bolu Batiente.

Categoría Infantil:

1º Antón, de la Peña “Mosconia”

2º Mario, de la Peña “El Tueru”

3ª Paola, de la Peña “Casa Genaro”

Veteranos:

1º Fernando, de la Peña “El Tronco”

2º Cuervo, de la Peña “Casa Genaro”

Primer Categoría 

1º Jorge Luis, de la Peña “El Tronco”

2º Héctor, de la Peña “El Tronco”

3º Pelayo, de la Peña “El Tronco”

4º Lucky, de la Peña “Casa Genaro”

5º Tino, de la Peña “Casa Genaro”

6º Fernando, de la Peña “El tronco" 

Segunda Categoría:

1º Antón, de la Peña “Mosconia”

2º Isma, de la Peña “El Tronco”

3º Candano, de la Peña “La Cuesta”

4º David, de la Peña “Mosconia”.