La especialidá de formación y empléu “Llimpieza n'Espacios Abiertos ya Instalaciones Industriales” del Taller d'Empléu municipal “Carreño a punto”, compuestu por un monitor y quince trabayadores participantes, tuvo desempeñando les sos xeres de llimpieza y puesta a puntu nos barrios d'El Llagarón, Piñeres y na xubida al campusantu (Candás), poniendo asina en práctica les conocencies adquiríes al traviés del módulu formativu “Llimpieza n'espacios abiertos” del so correspondiente certificáu de profesionalidá.
Ente los llabores que desenvuelven tán les de llimpieza viaria urbana, barríu manual, llimpieza de zones axardinaes y parques, y cepilláu y llimpieza d'alcorques, rexes y sumidorios.
Cabo destacar qu'esta acción formativa ta dirixida a ameyorar la empleabilidá del alumnáu facilitándo-yos una práctica profesional fayadiza, al empar que se contribúi al caltenimientu y el so consiguiente puesta en valor de los espacios públicos del conceyu.
El citáu módulu va esfrutar del so periodu vacacional correspondiente a esti primer periodu lectivu hasta'l próximu día 20 d'Agostu, fecha a partir de la cuál van siguir colos planes de choque de llimpieces en Candás.
Albandi
