Carreño llicita'l suministru d'artículos de papelería

El consistoriu carreñense atópase en plenu procesu de llicitación del suministru pa l'alquisición d'artículos de papelería pa los distintos Servicios, dependencies y departamentos del Conceyu de Carreño

El próximu martes 24 de setiembre a les 19:00 hores remata'l plazu pa la presentación d'ufiertes a la llicitación de la contratación y execución del suministru de material d'oficina non inventariable y consumibles (alquisición de sobres y papel non serigrafiáu) pal usu y consumu de los distintos servicios y departamentos del Conceyu de Carreño.

El criteriu pol que se va rexir el procedimientu d'axudicación, y que vien recoyíu nos pliegos de prescripciones técniques y clauses alministratives, va ser un procedimientu abiertu, simplificáu y ordinariu, nel cual les ufiertes presentaes van valorase atendiendo a dos criterios:
La ufierta económica más ventaxosa, con un máximu de 75 puntos.
Meyora nel plazu d'entrega de los pidíos dende la recepción de los mesmos pola entidá axudicataria con un máximu de 25 puntos.

Xuntu cola ufierta económica tendrá de presentase un catálogu electrónicu de los productos ufiertaos nel que se detallen esos productos, les sos característiques técniques y el so preciu. Una vegada estudiaes y analizaes les ufiertes presentaes, según los pliegos, l'alquisición del suministru va ser axudicáu a la ufierta económica más ventaxosa nel so conxuntu, esto ye, la que consiguiera una mayor puntuación.

Van Poder optar a l'axudicación del presente contratou les persones físiques o xurídiques, españoles o estranxeres, a títulu individual o n'unión temporal d'empreses, que tengan plena capacidá d'obrar, que nun tean incursas en dalguna de les prohibiciones que señala'l art 71 de la Llei de Contratos del Sector Públicu, que cunten cola habilitación empresarial esixente pa la realización de la prestación oxeto del contratu y acrediten la so solvencia económica, financiera y técnica, o s'atopen debidamente clasificaes, de conformidá con lo establecíu nel apartáu 12 del Anexu I del Pliegu de Prescripciones Técniques que va rexir esta convocatoria.

La duración del contratu va ser d'un añu primeramente, prorrogables por períodos iguales hasta un máximu de dos años, incluyíes los dos posibles prórrogues. Estes aplicaránse por mutuu alcuerdu de la partes antes de la finalización del plazu a valir.

La llicitación va tratar sobre l'alquisición del suministru de sobres y papel non serigrafiáu por un valor inicial de 4.967,27 € añales. Nun pudiéndose presentar más qu'una sola proposición pa esti procedimientu. Nel casu de suscribir una propuesta n'agrupación temporal d'empreses non podrá suscribise una propuesta individual y viceversa.

Dientro del pliegu de prescripciones técniques tán recoyíes una serie d'obligaciones tanto pa la persona concesionaria como pal Conceyu nes que queda reflexáu'l procedimientu a siguir nel pidimientu y entrega de los suministros. Estos efectuaránse previu pidimientu unviáu vía corréu electrónicu o fax pola persona designada al efeuto por esti Conceyu, el Xulgáu de Paz de Carreño y l'Escuela Infantil de Candás. A estos efectos la persona axudicataria tien de comprometese a disponer d'estos medios pa recibir correchamente los pidimientos del material. La entrega de los pidíos tendrá de realizase nun plazu máximu de dos díes hábiles, a cuntar dende a otru día al de la recepción del pidíu. Coles mesmes, en dichu plazu tendrá de sustituyise'l material defectuoso.

La presente llicitación tien calter electrónicu, lo que quier dicir que les persones licitadoras tendrán de #preparar y presentar obligatoriamente les sos ufiertes de forma telemática al traviés de los servicios de llicitación electrónica de la Plataforma de Contratación del Sector Públicu, nel plazu que marca l'anunciu de la llicitación, esto ye, hasta'l @24 de setiembre.