Candás celebró na mañana d'esti 14 de setiembre los actos de la Alborada dientro de les Fiestes del Cristu de Candás. Mientres el desenvolvimientu del actu la Poeta del Alba, Virginia Gil, dio llectura al mesmu ente la Alcaldesa de Carreño, públicu y autoridaes presentes pa a continuación proceder a la ufrienda floral na mar con numberoses embarcaciones que salieron a la mar nel emotivu actu. Procedióse tamién al actu de oración y al cantar marineru pa rematar cola danza prima popular na mesma escampada portuaria.
Los actos relixosos fueron desenvolviéndose n'esti sábadu cola multitudinaria procesión del Cristu peles cais de la villa marinera y la misa solemne cola presencia del padre Ángel y autoridaes municipales, autónomiques y nacionales que allegaron a la más que centenaria celebración.
La tarde foi pal coloríu y vistosu desfile de charangues nel que les peñes marineres dieron lo meyor de si para entretener y divertir al gran númberu de candasinos, candasines y visitantes que esta cita de "folixa" arrexunta nel nuesu pueblu.
El domingu 15 ye la xornada del Cristín que va rematar les fiestes en Candás, pero tamién el día de Nuesa Señora de Los Remedios, patrona de Carreño, que la so celebración na parroquia de Quimarán fai allegar a gran númberu de pelegrinos, pelegrines y visitantes de toa Asturies cola procesión del Ramu ente la Ilesia de San Esteban y la capiya de Los Remedios, una cita popular ineludible y bien sentía con marcha xubilar andando dende Candás, pa continuar mientres la xornada con música y actividaes que van enllargase hasta'l llunes, fin de fiestes en Quimarán
ver programa Cristu de Candás
ver programa Los Remedios
Albandi
