El Conceyu de Carreño, comprometíu dende va años cola Igualdá de la Muyer y col fomentu y desenvolvimientu del so espaciu rural, programó un ampliu programa d'actividaes, que se van desenvolver en redol al Día Mundial de les Muyeres Rurales, celebración que güei, 15 d'Ochobre, conmemora en tol mundu.
El platu fuerte d'esta programación va ser la celebración, el 24 d'Ochobre, nel escenariu del Centru Polivalente “La Baragaña” de Candás, de la Xornada LEADER “Agricultura ecolóxica: xuna alternativa sostenible pa producir n'Asturies”, entamada pola Rede Asturiana de Desenvolvimientu Rural (READER) cola collaboración de l'Asociación para al Desenvolvimientu Integráu del Centru d'Asturies Periurbano (ADICAP), na que ta integráu'l Conceyu de Carreño. Nesta xornada espublizaráse la potencialidá que tien la producción agrícola ecolóxica pa xenerar empléu y riqueza nel campu asturiano. Esta xornada va cuntar cola participación de D. Carlos Nuño Palacio, director técnicu del Conseyu de Producción Agraria Ecolóxica del Principáu d'Asturies (COPAE), y nella van esponer les sos esperiencies delles muyeres entamadores asturianes, como Lorena Veiga Montes y María Luz García Rodríguez.
Les actividaes deportives y recreatives tise nen tamién un buecu importante nesta programación. El 19 d'Ochobre realizaráse la última salida del programa de senderismo pa persones mayores “Caleyando Carreño”, que va escurrir entre Tabaza y Perlora, con un percorríu total de 8 kilómetros. Y a partir de la tercer selmana d'Ochobre van empezar los cursos de la área d'Igualdá, dirixíos sobremanera a les muyeres de les parroquies rurales de Carreño: el 22 d'Ochobre van empezar dos cursos de xerontogimnasia, que se van impartir nel local social del Pobláu de Albandi (Poal) y nel centru social de la urbanización de Xivares, que se van estender hasta'l 25 de xunu de 2020. A otru día va empezar otru cursu de Gerontogimnasia que se va impartir nel CIR Monte Areo (El Valle) hasta'l día 26 de xunu de 2020. El mesmu día va empecipiase un cursu de Marroquinería nes Escueles d'El Valle, que se va desenvolver hasta'l 24 de xunu de 2020. Y el 24 d'Ochobre tocará-y al Teatru amateur, que va empezar la so propia actividá formativa na Casa d'Alcuentru de les Muyeres de Carreño, en Candás, hasta'l 25 de xunu de 2020, impartíu por Gemma de Luis.
Coles mesmes, el Conceyu ufierta'l so sofitu a les iniciatives de la principal asociación de muyeres rurales del conceyu: l'Asociación de Muyeres Rurales “Nosotr@s”, que la so presidenta, Josefa Vega Suárez, foi galardonada apocayá col Premiu “Muyer Rural 2019”. Ente'l 21 y el 24 d'Ochobre esta asociación va entamar un Taller de Abalorio – Bisutería Vegana” nel CIR Monte Areo (El Valle), nel que les participantes van poder ellaborar distintos complementos con materiales veganos. Esta actividá va cuntar cola collaboración del Institutu Asturianu de la Muyer. El 26 d'Ochobre l'asociación va celebrar el Día de la Socia”, con un intensu programa d'actividaes, que se va empecipiar con un taller de miniterrariu, impartíu pola florista carreñense Artemisa Alonso. Tres la comida d'alcuentru, que se va celebrar nel Hotel “Piedra”, les socies van mover al Teatru “Prendes”, de Candás, p'asistir a la representación de la obra de Federico García Lorca “Doña Rosita la soltera, o'l llinguaxe de les flores”, a cargu del grupu de teatru "Les Ayalgues de Carreño”. Nesta ocasión, les muyeres que formen esta compañía aficionada van enfrentar un nuevu retu escénicu, por trabayar nun xéneru distintu a la comedia, y amás nuna obra trescalada de la poderosa prosa poética de Lorca. A lo último, l'asociación “Nosotr@s” tamién va entamar un taller d'Ellaboración de Pan, mientres la celebración del Parlamentu Rural Européu en Candás, del 6 al 9 de Noviembre de 2019.
Otra interesante actividá formativa va desenvolvese ente'l 25 de Noviembre y el 5 d'avientu, nel CIR Monte Areo (El Valle): trátase d'un cursu de viveros d'ablanar, que va impartir David Barraso Romero, Decanu del Colexu d'Inxenieros Técnicos Forestales. Esti cursu ta entamáu pola Rede Asturiana de Desenvolvimientu Rural (READER).
A lo último, dende'l 24 d'Ochobre al 13 d'Avientu'l Conceyu de Carreño va entamar por distintes parroquies rurales una ronda de charres sobre “Seguridá na zona rural”, que vAn ser impartíes pol Axente de la Policía Local Antonio Molina. Les charres van celebraase n'ElPieloro, Tamón, Albandi, El Regueral y Poal, ente otros llugares.
Albandi
