Esti Sábadu, 19 d'ochobre, como cada añu, celébrase'l Día Contra'l Cáncer de Mama, una forma de compromisu y solidaridá de la nuesa sociedá na llucha contra esta enfermedá.
Ye por ello y tres el pidimientu de l'Asociación Española Contra'l Cáncer (AECC) y de la so vocal en Carreño, María Antonia Morales García, l'antiguu Conceyu na cai Rufo Rendueles de Candás va llucir un llazu rosa, el color identificativu d'esta dolencia; va allumase la Plaza de la Redera del mesmu color; y la fonte del parque Les Conserveres va amosar les sos agües tiñíes de rosa, como símbolu del compromisu y la solidaridá de Carreño a toes aquelles persones día ente día, lluchen o llucharon por superar la so grave enfermedá.
Amás como complementu a estes iniciatives solidaries, la delegación carreñense va instalar una mesa informativa y unes urnes nes que la ciudadanía va poder collaborar cola AECC na llucha contra'l cáncer, los díes 26 y 27 d'ochobre de 10:00 a 15:00 hores nes Plaza de La Baragaña.
El cáncer de mama ye'l tumor más frecuente ente les muyeres españoles y occidentales. N'España diagnostíquense alredor de 33.307 nuevos cánceres de mama al añu. El día internacional del cáncer de mama busca concenciar a la sociedá de la importancia de la investigación y el diagnósticu precoz d'esta enfermedá. Porque'l cáncer de mama ye'l tipu de tumor más frecuente en muyeres yá que: 1 de cada 8 muyeres va tener cáncer de mama a lo llargo de la so vida.
Anque'l cáncer de mama n'España tien una tasa de supervivencia a 5 años más del 90%. Lo que significa que más de 90 de cada 100 persones que carecen cáncer de mama siguen vives 5 años dempués de ser diagnosticaes. Nos últimos años vimos como'l númberu de casos foi n'aumentu. D'esta forma l'en añu 2012 fueron diagnosticaos 30.978 nuevos casos, lo que supon qu'ente 2012-2019 hubo una medría del 7,5%. Esto significa que'l cáncer de mama caltiense nel segundu puestu según el númberu d'incidencies n'España.
Albandi
