El Conceyu de Carreño pon en marcha una campaña pa promover el reciclaxe d'envases de vidriu na hostelería

● La campaña va reforzar les acciones de sensibilización a los locales en materia de reciclaje d'envases de vidriu.

● Va reforzase la dotación de medios a la hostelería local col fin de facilitar la xera de recoyida selectiva.

● Va Informase sobre la ordenanza municipal que regula'l correctu usu de los contenedores y la xestión de la recoyida de borrafes.

El Conceyu de Carreño va poner en marcha esti mes una nueva campaña na que va visitar los establecimientos hosteleros pa promover el reciclaje de les borrafes d'envases de vidriu nel sector ya informar sobre la Ordenanza Municipal que regula la correcta recoyida y xestión de les borrafes.

Nel añu 2018, según datos facilitaos por Ecovidrio, Carreño recicló 162.520 kg de vidriu nos 72 contenedores qu'hai partíos pol conceyu, asitiándose con 15,6 kg per cada habitante na media del Principáu. No que va d'añu, sicasí, la crecedera algama yá un 54% sobre'l mesmu periodu del añu anterior, colo que, con esta nueva acción, van consiguise porcentaxes históricos en recicláu de vidriu que van faer de Carreño un referente na recoyida de vidriu de toa Asturies.

Pa llevar alantre esta iniciativa, va ponese en marcha un trabayu de campu pa reforzar la conocencia de la Ordenanza Municipal en materia de reciclaje d'envases de vidriu. De la mesma manera, va promovese la sensibilización sobre los beneficios ambientales qu'el reciclaxe xenera pa Carreño.

Les visites de personal cualificáu a los establecimientos van empezar a partir d'esti mes nel cascu urbanu de Candás estendiéndose darréu al restu del conceyu. Tres una primer fase d'información y detección de necesidaes, nes que se van apurrir cubos de distintes capacidaes pa facilitar el reciclaxe de borrafes d'envases de vidriu según el volume de xeneración de cada establecimientu, van llevar a cabu auditoríes pa comprobar qu'éstos realicen correctamente la separación n'orixe. 

El sector hosteleru xenera casi'l 50% de les borrafes d'envases de vidriu d'un solu usu que se comercialicen n'España, ye un sector clave pa la consecución d'oxetivos de recicláu. Por eso, avanzar na implantación de vezos sostenibles nel sector supon una meyora significativa na llucha contra'l cambéu climáticu.