El sábadu 19 d'ochobre a les 12:00 hores, va tener llugar nel Muséu Antón de Candás, la presentación de ARBOT; una aplicación móvil billingüe pa los visitantes del Muséu, col fin de faer les colecciones del citáu muséu más accesibles pa toles persones al traviés de les nueves tecnoloxíes.

Esta aplicación ye la resultancia d'un proyectu educativu so la dirección de Laura Martínez García , profesora de filoloxía Inglesa, Francesa y Alemana y por Pablo González, profesor d'informática, dambos de la Universidá d'Uviéu. 

Nel desenvolvimientu d'esti proyectu collaboraron, per una parte Shaila Pérez Fernández y Silvia León Sánchez, alumnes del ciclu de Desenvolvimientu d'Aplicaciones Multiplataforma del IES Juan José Calvo Miguel y per otru llau, Celia Álvarez García, Adríán Ramos Álvarez y Elena Díaz Martínez, estudiantes del Grau Historia del Arte.

El proyectu consistió na creación de dos elementos: una aplicación móvil billingüe que sirva d'auto-guía pa conocer el Muséu a los sos visitantes y, per otru llau, el desenvolvimientu d'un Bot pal veceru de mensaxería Telegram, col que los usuarios van poder caltener conversaciones sobre pieces determinaes del muséu.

L'aplicación móvil y el bot diseñáu son ferramientes didáctiques clave pa faer del muséu un llugar entá más curiosu pa tol públicu, yá que non yá cunta con un componente lúdicu qu'ayuda al desenvolvimientu cognitivu del usuariu, sinón qu'amás ye una ferramienta útil nel aprendizaxe de llingües de la sociedá asturiana polo xeneral.