Nel marcu de la celebración del Día Internacional de les Persones con Discapacidá, el colectivu de persones con discapacidá del Centru de Sofitu a la Integración ( CAI) de Candás van xubir a les tables del Teatru Prendes pa representar una obra teatral.
La cita va tener llugar el Miércoles 4 d'Avientu a les 12:30 hores, no que va ser el so primer estrenu como actores y actrices nun gran Teatru Inclusivu. L'amuesa va constar de dos partes estremaes, nes que so la dirección de l'actriz candasina Verónica Gutiérrez y Carolina Tarancón escenificarán per un lláu “Un viaje por la Historia de la Danza” y por otru, el "Mago de Off”.
Na amuesa van poner en práctica les conocencies adquiríes nel Taller de Teatru y Movimientu, actividá que financia'l Conceyu de Carreño como frutu del conveniu suscritu ente'l Consistoriu y la Fundación FASAD, encargada de la xestión del Centru. El taller teatral empezó nel mes de Marzu y hasta Avientu. Impártenlo tolos Llunes nel Centru Polivalente “La Baragaña” dos actrices profesionales pertenecientes a la compañía de teatru “E Vero Teatro”.
“El consistoriu de Carreño tien un firme compromisu cola ciudadanía, especialmente coles persones más vulnerables, por ello al traviés d'un conveniu de collaboración cola Fundación Fasad coles mires d'articular una serie de midíes pa promover l'accesibilidá de les persones mayores y les que tienen diversidá funcional a los bienes y servicios municipales. Midíes empuestes a garantizar l'accesu a los mesmos colos sofitos que rican y faelo en plena igualdá” – señaló Amelia Fernández, Alcaldesa de Carreño
“En virtú d'esti alcuerdu, el Conceyu de Carreño y los sos organismos adscritos xunen esfuerzos y sumen recursos públicos pa facilitar la participación inclusiva de les persones mayores y/o persones con diversidá funcional n'iniciatives municipales col ánimu d'ameyorar les sos integración ya insertamientu social y el desenvolvimientu plenu de les sos facultaes y capacidaes culturales y humanes. Esti Taller de Teatru y Movimientu ye un claru exemplu, que tuvo de resultes la próxima representación teatral, pionera nel nuesu conceyu” prosiguió l'Alcaldesa.
"Al traviés de les técniques d'espresión corporal, de la voz y l'interpretación intentóse xenerar nesti colectivu nueves formes de compartir, de comunicase y de aniciar idees que los ayuden a ser más persones más autónomes; ameyorar la so capacidá d'atención y concentración; ameyorar la so coordinación, estructuración espaciu-temporal y el control postures, amás de trabayar la motricidá del grupu, lo que reforzó la so autoestima y collo les sos relaciones interpersonales” esplicó Fernández
Con esta primer representación teatral de les persones adultes con diversidá funcional nel marcu del Día Internacional de les Persones con Discapacidá, reafítase'l compromisu municipal de trabayar xuntos y xuntes per un mundu meyor que sía inclusivu, equitativu y sostenible pa toos y toes. D'esta forma coles acciones programaes y desenvueltes pola entidá local averamos más al oxetivu del empoderamiento de les persones con diversidá p'asegurar un desenvolvimientu sostenible, inclusivu ya igualitariu, y de esta manera averanos un poco más al cumplimientu de los Oxetivos de Desenvolvimientu Sostenible de l'Axenda de Desenvolvimientu Sostenible, que pal añu 2030 comprometióse a “nun dexar naide más”.
Albandi
