La pareya formada por Manuel Suárez García “Carrete” y Mari Carmen Álvarez Cano alzóse col primer premiu nel baille de madreñes en Tamón.
L'asociación vecinal El Xolín de Tamón entamó, por cuenta de la festividá del Ramu, un alcuentru vecinal nel Centru d'Iniciativa Rural de la parroquia. En collaboración con Begoña González, concesionaria qu'empresta'l serviciu de tienda bar nel centru municipal, programaron una comida - baille a la qu'asistieron non solo'l vecinderu de Tamón sinón tamién de parroquies vecines como Ambás, LLorgozana, El Valle y Quimarán. L'animada velada amenizóla un vecín de Tamón, concretamente Miro Álvarez cantante afincáu nel barriu d'El Redal.
Mientres l'alcuentru desenvolvióse'l baille de madreñes nel que les pareya participantes teníen que baillar col calzáu tradicional asturianu. La pareya ganadora resultó'l matrimoniu de Villar.
Albandi
