Candás va celebrar el so Antroxo del 22 al 26 de Febreru

El Sábadu 22, Llunes 24 y Martes 25 les actividaes programaes van centrase na antigua fábrica d'Ortiz. El Llunes 24 va celebrase'l tradicional desfile d'amarutes pa persones adultes.
El concursu infantil de Antroxo va ser el martes 25, y l'entierru de la sardina va cerrar la programación antroxera'l Miércoles, día 26.

La área de festexos del Conceyu de Carreño, presentó ayeri el programa del ANTROXO 2020. La temática va xirar en redol a México y la celebración del Día de los muertos”. 
Como n'ediciones anteriores, los/es más pequeños/es van tener un papel protagonista na programación. Asina, el llunes 24 y el martes 25 va haber ludoteca, pinta cares, talleres, animación musical, concursu d'amarutes, photocall y piñates mexicanes na antigua Fábrica d'Ortiz. 

El llunes 24 va celebrase'l tradicional desfile de Antroxo 2020 pa persones adultes. Los as participantes desfilarán dende la Plaza de La Baragaña hasta l'antigua Fábrica d'Ortiz a los sones de la Fanfarria “Pepe el Chelo y sus marchosos”. El concursu va dar pasu a una serenata mexicana al cargu de Manuel Rodríguez “EL JALICIENSE” y al gran baille de Antroxo con DJ. 
Anguaño como novedá incorpórase un nuevu premiu nel desfile, con una mención especial al meyor traxi de temática: México “Día de los Muertos”, el premiu va tar dotáu de 100 euros.

El Martes 25 va empezar a les 17:30 hores el concursu infantil na fábrica d'Ortiz, onde niños y neñes que deseyen participar van recibir de la organización una bolsa de llambionaes. Pa los más pequeños va haber amás un baille infantil y piñates mexicanes. 

La última xornada de Antroxo candasín, va ser el miércoles 26, va ser a partir de les 19 hores. Dende'l Teatru Prendes al Muelle local l'entierru de la sardina va anubrir les cais de la villa a los sones de la Fanfarria “Pepe el Chelo” y cola compañía de “Les Ayalgues” de Carreño. 
Los comercios y Hostelería de la villa tamién van vivir el so particular antroxo candasín, el Conceyu de Carreño, un añu más, al traviés de la conceyalía de Festexos entama concursos pa decoración d'escaparates antroxaos y decoración d'establecimientos d'hostelería.

Amás d'esta programación, en Carreño podrá tastiase el tradicional menú de Antroxu (Xornaes Gastronómiques del Gocho) en dellos establecimientos hosteleros. Y en l'antigua fábrica d'Ortiz podrá tastiase el Sábadu y el llunes comida mexicana.

La programación, anguaño, adelántase al Sábadu 22 de febreru por que la mocedá de Carreño pueda esfrutar  d'una fiesta temática: México “día de los muertos”. 
Na antigua fábrica d'Ortiz van desenvolvese, esi día, les siguientes actividaes: 
ZONA GAMER:  compuesta por cuatro consoles última xeneración XBOX, PS4, Nintendo Switch; con cuatro televisiones, onde los y les participantes van poder xugar a xuegos como FIFA, NBA, xuegos de carreres, etc.
ZONA DEPORTIVA: variedá de xuegos de precisión y xuegos sobredimensionados: mesa de pin pon, bolos, bádminton, futbol-cestu, herradura…xuegos predeportivos y malabares: platos chinos, diábolo, zancos, raquetes… juegos tradicionales: xaronca, carrera panoyes, llave, …
TALLER DE CÓCTELES ENSIN ALCOHOL (de 19 a 21 hores): Agua de Xamaica y otres bébores mexicanes.
CONCURSU DE CATRINES
ANIMACIÓN MUSICAL 
Amás, mientres l'actividá podrá esfrutase de ZONA GASTRONÓMICA, onde van poder adquirir comida mexicana (burritos, fajitas, nachos…).
La nave de l'antigua conservera ta decorada con motivos mexicanos realizaos por un grupu de persones voluntaries coordinaes por Beatriz Fernández Antuña.
  
Con esta iniciativa de fiesta xuvenil pal antroxo pretendemos siguir reforzando la programación pa la mocedá del conceyu, son actividaes d'ociu que veníen siendo reclamaes pola mocedá nes consultes y procesos participativos que se realizadon. L'acoyida de la primer nuechevieya moza foi bien positiva, esperamos qu'esta nueva actividá d'ociu pal Antroxo amene la mesma ilusión que'l pasáu mes d'avientu” – comentó la conceyala de festexos Paula Cuervo. 

Por cuenta de la fiesta temática mexicana redolada al Día de los muertos na antigua fábrica d'Ortiz , va instalase un altar de muertos – como ye tradición nel decimotercer país más estensu del mundu y el terceru más grande d'América Llatina.
L'altar de muertos ye un elementu fundamental nel conxuntu de tradiciones mexicanes, asina nos lo treslladaron dende Casa de México n'Asturies y por eso lo incoporamos al programa previstu. Ellí esi Día conmemórase instalando altares domésticos n'honor a los sos difuntos. Ye la so manera de recorda-yos y tene-yos bien presentes. Decorar con veles, flores y oxetos d'usu cotidianu de les persones finaes a quién se-yos dedica l'altar. En Carreño va años dedicóse-y unu al insigne Leopoldo Alas “ Clarín” por cuenta de un intercambiu sociocultar ástur – mexicanu. Anguaño, volverá instalase en Candás un altar d'esti tipu tan tradicional en territoriu mexicanu” – avanzó Cuervo.

Cuando embaraxamos recuperar estes tradiciones mexicanes, tratándose del Antroxo candasín y pensando en persones finaes que vivieren esta celebración intensamente, nun tuvimos dulda, propusimos dedicar l'Altar de Muertos n'alcordanza de Ceferina Gutiérrez Cuervo "Ferina" y Josefa Suárez García “Cervera”. Dambes fueron alma y esencies de les nueses celebraciones. Estimamos a les sos families qu'aceptaren que se-yos dedique anguaño” – concluyó la Conceyala.


ANTROXO 2020 / CANDÁS
SÁBADU 22 DE FEBRERU De 18:00h. a 22:00 h. 
ANTIGUA FÁBRICA D'ORTIZ: 
FIESTA XUVENIL MEXICANA “DÍA DE LOS MUERTOS”: ambientación mexicana con photocall, zona gamer y deportiva, xuegos tradicionales, concursu de catrines y catrines, taller de cócteles ensin alcohol ( agua de Xamaica y otros), animación musical y comida mexicana. 

LLUNES 24 DE FEBRERU De 17:00 h. a 20:00 h. 
ANTIGUA FÁBRICA D'ORTIZ: 
ANIMACIÓN INFANTIL: ludoteca, pintacares y tatuaxes de fantasía, talleres de manualidades, animación musical y photocall con ambientación mexicana.
De 17:00 h. a 22:00 h.
PHOTOCALL DE ANTROXO: toles persones que vengan cola so disfraz van poder faese una semeya familiar na zona habilitada. El Conceyu va regala-yos dicha imaxe.
20:30 h. 
DENDE LA PLAZA DE LA BARAGAÑA HASTA ANTIGUA FÁBRICA D'ORTIZ: 
DESFILE DE ANTROXO 2020 (trés modalidaes de concursu: individual, pareyes y grupal) amenizado pola Charanga Pepe el Chelo. Pa participar y asina poder optar a los premios ye necesariu inscribise. 

La cuantía de los premios ufiertaos pol Conceyu va ser: 
MODALIDÁ INDIVIDUAL: 
1º premiu 70 euros / 2º premiu 50 euros / 3º premiu 40 euros 
MODALIDÁ PAREYES 
1º premiu 120 euros / 2º premiu 100 euros / 3º premiu 70 euros
MODALIDÁ GRUPAL: 
1º premiu 300 euros /2º premiu 250 euros / 3º premiu 200 euros 
(Entrega de premios, degustación de comida mexicana y actuación de SERENATA MEXICANA al cargu de Manuel Rodríguez “EL JALISCIENSE” a la fin del desfile na antigua Fábrica d'Ortiz)
De 20:00 h. a 22:30 h. y de 23:30 h. a 02:00 h. 
PLAZA DE LA BARAGAÑA: 
Baille de Antroxo con DJ.

MARTES 25 DE FEBRERU 
17:00h. ANTIGUA FÁBRICA D'ORTIZ:
CONCURSU INFANTIL DE ANTROXO: Toos neños/es que deseyen participar nel concursu infantil tendrán d'inscribise y namá por participar van recibir de la organización una bolsa de llambionaes. 
De 19:30 h. a 20:30 h. 
ANTIGUA FÁBRICA D'ORTIZ: 
Baille infantil con “Música asgaya” y piñates mexicanes.

MIÉRCOLES 26 DE FEBRERU 19:00h. 
DENDE EL TEATRU PRENDES AL MUELLE: 
“Entierru de la sardina”  a los sones de la Fanfarria Pepe el Chelo y sus marchosos y la participación del grupu de teatru “Les Ayalgues” de Carreño.
Nota: Rogamos a tol vecinderu de la villa y restu del conceyu que, con vestimienta d'estrictu llutu, acompañen a la comitiva dende'l Teatru Prendes hasta'l muelle, onde “Pirotecnia Moris” va rindir los honores finales. 

CONCURSU DE DECORACIÓN D'ESTABLECIMIENTOS D'HOSTELERÍA: “AMARUTA EL TO LOCAL”
Van Poder Participar tolos establecimientos d'hosteleros de Candás, previa inscripción
El xuráu va visitar los establecimientos presentaos a concursu'l día 24 de febreru a partir de les 19 h. 
La cuantía de los premios ufiertaos pol Conceyu de Carreño van ser: 1º premiu 230 euros / 2º premiu 180 euros / 3º premiu 150 euros. 

CONCURSU D'ESCAPARATES “ANTROXAOS” 2020
Van Poder participar tolos comercios minoristes de Candás, previa inscripción
El xuráu va visitar los establecimientos presentaos a concursu'l día 24 de Febreru a partir de les 19 h. 
La cuantía de los premios ufiertaos pol Conceyu de Carreño van ser: 1º premiu 160 euros / 2º premiu 130 euros / 3º premiu 100 euros.

INCRIPCIONES pa TOLOS DESFILES y CONCURSOS: CONSERXERÍA del Centru Polivalente “La Baragaña” del llunes 17 de febreru al Vienres 21: de 10:00 a 21:00 h.