El Grupu de Desenvolvimientu Rural Adicap, que preside l'Alcaldesa del de Carreño, Amelia Fernández, y que encargase de la tramitación de les ayudes Leader nos municipios de Carreño, Corvera, Gozón y Llanera confía en que la convocatoria de ayudes del 2020 pueda tar abierta a finales d'abril o principios de mayu abriéndose el plazu para la presentación de solicitúes d'ayudes europees.
"Aunque la situación actual pola declaración del estáu d'alarma ye bien delicada y amenorgóse la actividá n'administración rexonal sabemos que la Conseyería de Desenvolvimientu Rural, Agroganadería y Pesca ta trabayando pa que la convocatoria d'ayudes Leader anguañu se publique nel BOPA, lo primeru posible, una vegada que la situación del Covid-19 emcipie a superase” - afirmó la Presidenta del GAL Adicap.
“Ye importante que toos los emprendedores y les emprendedores d'estos conceyos que pretendan poner en marcha una iniciativa empresarial o empreses que quieran caer medrar o modernizar la so actividá empresarial sigan trabayando nes sos idees pa optar a les ayudes europees” prosiguió Fernández.
“Nel casu d'Adicap vamos tener un presupuestu total de 1.189.000 € para conceder ayudes a empreses, entidaes locales y asociaciones sin animo d'arriquecimientu pal periodu 2020-21-22 y amás otra nueva convocatoria d'ayudes el próximu añu. La postrera modificación de les bases reguladores realizada pol Principáu traducióse en cambios importantes como una reducción burocrática pa solicitar les ayudes o la medria de l'ayuda del ticket rural de 25.000€ a 35.000€“ - añedió Fernández.
“El personal del grupo de desenvolvimientu local teletrabaya y va atender les consultes y orientaciones al traviés del so e-mail adicap@adicap.com” – remató la Presidenta del grupu.
Albandi
