El Conceyu de Carreño tien anguaño 216 persones emplegaes. Nel periodu entendíu, ente'l 2015 y el 2019, incluyó na so Ufierta Pública d'Empléu unos 50 puestos de trabayu. En 2020 va volver aprobar nueva Ufierta. A ello, habría que sumar les contrataciones temporales exemplu, les que son necesaries pa cubrir baxes y otru exemplu, son les que se realicen nel marcu de los programes de formación y empléu, como l'Actívate, Ocúpate, y los talleres d'empléu. Nel últimu taller d'empléu hai anguaño 30 alumnos/es contrataos más dos monitores, personal alministrativu, docente y directivu.
22 places d'Empléu Públicu convocáronse al traviés de procesos selectivos de promoción interna; 14 places correspondientes a les tases de reposición al traviés del sistema d'oposición; 10 places pa la estabilización del empléu temporal al traviés del concursu-oposición; 4 places correspondientes a la tasa adicional de reposición correspondientes a Policía Local
Énte les afirmaciones espresaes por un sector de les organizaciones sindicales con representación nel Conceyu de Carreño, la conceyala de recursos humanos, Cecilia Tascón respondió lo siguiente:
“Les alministraciones públiques nel añu en cursu tienen d'aprobar la so ufierta d'empléu públicu. Esti preséu de trabayu recueye les distintes posibilidaes qu'esisten de convocar places de conformidá a la normativa vixente aplicable nesi momentu y determinar les places que pueden ser oxetu d'esa convocatoria. Carreño va sacar la nueva Ufierta d'Empléu Públicu del 2020 coles sos correspondientes places. Les Ufiertes d'empléu non les saca'l gobiernu de la manga. Ellabora la propuesta'l departamentu de Recursos Humanos del Conceyu de Carreño alderíquense, sométense aprobación poles distintes organizaciones sindicales nes meses de negociación y d'últimes vótense nel Plenu. Anguaño yá s'analizaron les posibilidaes qu'había d'ufiertar empléu públicu conforme a les normes vixentes. La Ufierta d'anguaño non podrá aprobase hasta que tea publicada nel BOE el Real Decretu pol que s'aprueba la Ufierta d'Empléu Públicu de l'Alministración Xeneral del Estáu y la Llei de Presupuestos del Estáu” señaló la conceyala.
“El Consistoriu de Carreño tien 216 emplegaos y emplegaes, de los cuálos 166 son plantiya estable y concretamente nel serviciu d'obres hai 52 persones. Los costos de personal en 2020 xuben a 6.347.000 euros al añu. Esta ye la dotación qu'hai que dedica-y al capítulu 1 de personal nel presupuestu municipal” - añedió Tascón.
“Nun hai qu'escaecer que los criterios de contratación de mocedá, d'afitamientu del empléu temporal, o d'incorporación de más personal municipal non pueden faese a caprichu de naide. Vienen regulaos por una Llei cimera d'ámbitu estatal, d'obligáu cumplimientu, pa toles alministraciones. Esta Llei, nun ye otra que la Llei de Presupuestos Xenerales del Estáu. Esta información ye bien conocía pola representación sindical municipal cuidao que participa na confección de la Ufierta d'Empléu Públicu” – siguió la conceyala.
“A pesar de les restricciones que tenemos como'l restu d'alministraciones locales, en Carreño siguimos trabayando na ruta que yá empecipiamos la llexislatura pasada. El gobiernu local apueste l'afitamientu y estabilización del empléu públicu. Dando oportunidaes de promoción interna al actual personal. Prueba d'ello, ye l'aprobación de places de estabilización del empléu temporal, y ufiertes pa toes les places que la Llei déxanos sacar pol procedimientu d'oposición” rellató la Responsable de Recursos Humanos.
“Ye una llástima que'l representante de CCOO nun nos dea nel Conceyu la fórmula máxica que remana pa poder ampliar más la plantiya. Si la conoz y legalmente fora posible ¿qué tanto propón nes meses de negociación. Esperamos que na siguiente que se celebre desvélenos los sos trucos pa faelo’” comentó la edil.
La incorporación de nuevos policías tres la xubilación d'axentes ta en marcha:
-los cuatro axentes de Carreño van ser escoyíos pol Adolfo Posada según lo alcordao nel Plenu.
-vamos cuntar como tolos branos con @5 Auxiliares de policía.
“Ye de sobra conocíu pola representación sindical que'l Conceyu de Carreño en sesión Plenaria alcordó por unanimidá el delegar na alministración del Principáu d'Asturies al traviés del Institutu d'Alministraciones Públiques “Adolfo Posada” l'exerciciu de les competencies pa la realización de los procesos selectivos pal ingresu na categoría d'axente de la escala básica de la policía local. Anguaño'l Principáu atópase somorguiáu nesti procesu selectivu nel que tán incluyíes les 4 vacantes esistentes en Carreño. Mientres esti procesu – según mandatu Plenariu – desenvuélvese nun refugamos - si retrásase más- el poder cubrir les places de forma interina. A tal fin, dende'l Departamentu de Recursos Humanos xuntu cola Xefatura de la Policía, yá se ta trabayando na ellaboración d'unes posibles bases pa cubrir temporalmente eses places, si fuera necesariu. Amás, como refuerzu na dómina braniza, tolos años contrátense 5 auxiliares d'axente de policía” - afirmó Tascón.
Les hores extra que se realicen contrólense y son les indispensables p'atender les incidencies que se producen nos servicios. Si nun podemos contratar más personal y al representante de CCOO fádialu que'l personal que tenemos faiga hores extras namá nos queda contratar con empreses privaes más servicios.
“La media d'hores extra por trabayador n'este Ayto. en 2019 foi de 78,06 hores extras por trabayador/a. Nel 2018 la media d'hores extra por trabayador fueron de 57,92 hores” - añedió la Conceyala
“Esti aumentu nes hores extra del 2019 deriva principalmente, por asumir, ente otros, momentáneamente el serviciu d'obres municipal la llimpieza viaria de la fin de selmana, una vegada que remató'l contratu cola empresa que tenía axudicáu'l serviciu dióse-y oportunidá d'emprestar esti serviciu al personal que voluntariamente aceptó faelo. Dende'l Gobiernu local estimamos l'esfuerzu a esos trabayadores el so compromisu con Carreño” – afirmó Tascón.
"El restu d'hores extra respuenden a trabayos d'urxencies derivaos por averíes d'agua que se producen fora del horariu de trabayu del personal llaboral, averíes de lluz, amás de les distintes incidencies que n'anguaño producieron les inclemencies meteorolóxiques como argayos, cortes de carreteres, cayíes d'árboles y cuadros eléctricos. A naide escápase-y la realidá del día ente día municipal" - detall la edil.
“Si nun podemos contratar más personal y al representante de CCOO fádialu que'l personal faiga hores extra desgraciadamente namá nos queda externalizar aquellos servicios que , a día de güei , vienen faciéndose con medios propios” - rellató Tascón
“Si fora mínimamente oxetivu, quién tanto alborota nos periódicos, tendría de reconocer la xestión en material de personal en Carreño nestos años. Porque a pesar de tener un presupuestu prorrogáu dende'l 2017, afíxose ónde se pudo, aprobando un cambéu de la Relación de Puestos de Trabayu, que, xuntu coles distintes xubíes salariales, aprobaes nel 2019 traxo una xubida nos gastos del capítulu de personal de mediu millón d'euros. Pal presupuestu del 2020 va haber que suplementar esa partida de gastos personal n'otru mediu millón más, pasando de los 5.260.813 € que se destinaben a personal nel 2017 a los 6.347.000 que van ser necesarios nel 2020” - añedió Cecilia.
Los sindicatos tienen dependencies municipales a la so disposición pa exercer la necesaria acción sindical y el nuevu local yá ta en marcha.
“A lo último, en referencia al local sindical, el mesmu atópase n'obres. Los materiales necesarios p'acometer diches meyores tán yá pidíes. Efectivamente les obres nun se tán executando cola rapidez que quixéramos pero al tar en prórroga presupuestaria, les inversiones van faciéndose cuando son posibles. Mentanto ponse en marcha'l nuevu, tán a plena disposición de la representación sindical les distintes sales municipales, Casa de la Cultura, Sala de Comisiones y otres dependencies de la Casa Consistorial, Salón d'Actos del Edificiu Polivalente “La Baragaña”, ente otros” concluyó la Conceyala de Recursos Humanos.
Albandi
