L'Ayuntamientu de Carreño tuvo qu'encarar les obres d'arreglu de quitamiedos qu'esistía na parroquia d'El Valle de siguío del llavaderu de la Ponte Piedra ente los barrios de Santolaya y la Maquila.

Foi baltáu, va díes, por un golpe d'un vehículu. Nengún vecín de la zona pudo ver en qué momentu producióse l'accidente y a pesar de les averiguaciones policiales nun se pudo conocer datos del causante del esbarrumbe del mesmu.

Esta ponte a la vera de la carretera local CE – 5 va dende'l barriu de Santolaya n'El Valle a la La Rebollada (Quimarán) enllazando col AS – 19..

“Pal so arreglu recoyéronse los mampuestos que tres el valtamientu cayeren al calce del regatu y diose en faer un murete de les mesmes característiques al esistente. Allongóse unos centímetros el so llargor pa evitar tamién la cayida de viandantes” – esplicó Simi Velasco, edil d'obres.

“Tamién aprovech'ose p'ameyorar el murete, na zona, que nun foi estropiáu, reparando una esquina dando-y más llargor. Los trabayos tán realizándose respetando les técniques orixinales de la mampostería coles que s'executaron los muretes nel so orixe” – concluyó'l Conceyal.