La campaña de sacrificiu porcín domiciliariu va llevarse a cabu
ente'l 1 de Noviembre de 2017 y el 31 de Marzu de 2018. Na campaña
2016/2017 fueron analizaos nel conceyu de Carreño un total de 22
gochos y 73 xabalinos.
Con fecha 22 d'Agostu de 2017 publicóse nel BOPA'l eesolvimientu
de 9 d'Agostu, de la Conseyería de Sanidá, pola que se dicten
normes sobro'l control sanitariu en relación cola presencia de
triquines en carne de ganáu porcín y de les pieces de caza mayor
destinaes al consumu priváu familiar nel territoriu del Principáu
d'Asturies.
“Acordies con esti Resolvimientu los Conceyos tenemos
qu'entamar la campaña nos sos respectivos términos municipales,
responsabilizándonos del so correctu desenvolvimientu y
del cumplimientu de la normativa en materia d'hixene alimentaria, de
sanidá y bienestar animal y de aquelles otres que sían
d'aplicación” – esplicó Manuel Noceda, edil de Mediu Rural.
“Nel añu 2015 producióse un cambéu del Reglamentu de la
Unión Europea, la nº 2015/1375 de la Comisión de 10 d'Agostu.
Nella esíxese garantizar qu'en toles amueses apurríes realícese
la investigación de triquines según lo dispuesto nel anexu I del
citáu Reglamentu Européu, pol que s'establecen normes específiques
pa los controles oficiales de la presencia de triquines na carne,
absteniéndose del usu del métodu triquinoscópico y comunicando con
calter urxente al Veterinariu Oficial cualquier causa de non aptitú
pal consumu. Lo que trai que yá nun ta dexáu'l métodu
triquinoscópico emplegáu tradicionalmente hasta la fecha nos
analises de les amueses” – prosiguió Noceda.
“Los Servicios Veterinarios Oficiales de les Unidaes
Territoriales de la Conseyería de Sanidá, van poder autorizar
l'actuación de Servicios Veterinarios Collaboradores. Con estos
cambeos y requerimientos nes analítiques les Clíniques
collaboradores tienen de tar afeches a lo dispuesto nel citáu
Reglamentu de la Unión Europea. La única clínica veterinaria
esistente en Candás y nel termino municipal de Carreño nun lo ta .
Por cuenta de ello, solicitóse p'ampliar llugares de recoyida y
analís, según amplitú d'horariu d'atención ciudadana la
collaboración a los Servicios Técnicos de la Cooperativa de
Llabradores, Consumidores y Usuarios de Xixón” – afirmó'l
conceyal.
D'esta miente, en Carreño'l vecinderu va poder realizar les sos
amueses en dos llugares:
–Na Unidá Territorial de la Área V, na que s'integra'l
conceyu, na Cai Trinidá, 6, 1º Izda. Teléfonu:
@985176980. Los díes de llunes a vienres n'horariu de 9 a 14 hores.
–La Cooperativa de Llabradores, Consumidores y Usuarios del
Conceyu de Xixón, S. Coop. Ástur.
Tien la so see en: Carretera Carbonera 2230 – Polígonu de Roces
5. Teléfonu: 985168957-687570088. Van Emprestar el serviciu los
veterinarios: Andrea Fernández García, Juan José Pérez Jánez,
Lorena Alvarez Minguez y Andrea García Canal. Equí les amueses
pueden dexase cualquier día de llunes a sábadu n'horariu de 8 a 21
hores en diches Dependencies. Les analítiques de les
amueses van ser los Martes y los Vienres pela mañana, antes de les
13 hores. Duración de la prueba: aprosimao 2 hores. Realizaes
les analítiques, la Clínica namá se va poner en contactu colos
comenenciudos si la resultancia fuera Negativu por dalguna causa, por
tanto, van ser los comenenciudos los que tengan de llamar
per teléfonu pa interesase poles resultancies. La comunicación
d'estes resultancies Positives va ser antes de les 14 hores de los
martes y vienres (analises d'amueses). El preciu de les
analítiques de les amueses ye de 20 €. Fora de los horarios
indicaos l'analítica individual ye de 30 €.
“Les amuesa que'l vecinderu tien de llevar p'analizar ye una
amuesa de 150 gramos, llimpia de grases y fascies. Nel casu de
pretender analizar gochos esta va deber de tomase d'estes zones
diafragma, músculos intercostales y músculos maseteros. Nel casu
d'analizar xabalín van tomase les amueses amás de les mesmes zones
que nel casu del gochu y de los músculos de la estremidá
delantera” – concluyó'l conceyal.