Frutu del Conveniu de Collaboración robláu ente'l Ayuntamientu de Carreño y la Banda de Música de Candás, ésta, a lo llargo del presente añu, ufiertó dellos conciertos en diverses localizaciones del Conceyu.

El 22 de payares celébrase la festividá de los profesionales de la música. Por ello la Banda de Música de Candás, el domingu 27 de payares, va ufiertar el penúltimu de los sos conciertos n'Antigua Fábrica d'Ortiz a les 19:30 hores como homenaxe a la so patrona, a les persones que se dediquen, profesionalmente o non, a la música.

“Nun hai acontecimientu de la vida de les persones nel que la música esti presente. Y la meyor forma que tienen los músicos y les músiques de celebrar el so día festivu ye amosando lo que meyor saben faer” – esplicó Cecilia Tascón, edil de Cultura.

So la dirección de Xuacu Llaneza "la Banda" van allantanos con obres que van dende al pasudoble, a la ópera, pasando poles marches militares o la música rusa navidiega:

“¡¡Churumblerías!!, Estampa Gitana” del toledanu Y. Cebrián Ruiz. Pasudoble de 1934 nel que'l autor inspiróse nel Sacromonte, el barriu xitanu de Granada.

“Samson and Delilah, Bacchanale” del compositor, director d'orquesta francés Camille Saint-Saens. Ópera, de 1877, en tres actos, siendo Bacchanale la melodía más conocida.

“Second Suite for MIlitary Band” del británicu Gustav Holst. Marcha militar en 4 tiempos de principios del s. XX.

“Russian Christmas Music” obra del americanu Alfred Reed basada en música navidiega rusa de 1944.

“The Best Of Mancini“ selección de les meyores obres del célebre compositor estadounidense de música de cine, Henry Mancini.