Dende'l 21 de payares hasta'l 5 d'avientu, el Muséu Antón de Candás va permanecer zarráu pa reformar los aseos públicos del centru, col fin de cumplir cola reglamentación de supresión de barreres arquitectóniques.

Les obres van centrase na adaptación d'unu de los aseos pal so usu por persones con movilidá amenorgada. Pa realizar esta renovación ye necesariu ampliar l'antepar previu qu'hai ente'l hall del muséu y los cuartos d'aséu p'asina xenerar los espacios de maniobra y de tresferencia riquíos na reglamentación a valir.

Complementariamente, siguiendo les indicaciones previstes nel Plan d'Accesibilidá ellaboráu por Aspaym pal Conceyu de Carreño, va instalase un sistema d'alerta nel interior del aséu pa casos d'emerxencia o indisposición de persones usuaries.