El pasáu vienres día 24 estrenóse
nel Teatru Prendes de Candás el documental “Ay, Candás-Ayer y hoy-Pipo Prendes… siempre”, del realizador xixonés
Pablo Monella. Ye'l décimu trabayu audiovisual del autor.
Trátase d'un documental
históricu-musical, onde se fai un relatu del Candás d'ayeri, al
Candás de güei. Na primer parte del trabayu, afóndase no más
interesante de Candás (tantu nel ayeri, como nel güei), na infinidá
de llugares, actos, festexos, actividaes, gastronomía y demás, de
que dispon el pueblu, unu de los más guapos y curiosos, del nuesu
Principáu d'Asturies.
Na segunda parte, y cola collaboración
del músicu y cantante Pipo Prendes, van percorrese preciosos
rincones, qu'al traviés de la so música (interpreta diez canciones
compuestes por él), van faer esfrutar a los espectadores, al empar
que nos amestará más argumentos pa prindase de Candás. Hora y
media d'entretenimientu y esfrute d'una zona maraviyosa.
Participen nel documental persones como
Herminio Menéndez, Quini, Joaquín Canales, Dr. Marcelo Palacios,
Tito Aramendi y Toño Cuervo.
pa les persones que nun tuvieron la oportunidá de
guardar l'estrenu, recordámoslos que mañana MARTES día 28, a les
SIETE Y MEDIA de la tarde, nel Centru de Cultura Antiguu Institutu,
calle Jovellanos 21, en Xixón (enfrente de la Iglesiona), volverá
proxectase.
ver trailer:
Albandi
