La realización d'esti nuevu estudiu
acústicu va empuesta a la midida de los niveles sonoros globales
esistentes nes zones más afectaes pol ruiu de Carreño y el cálculu
de la población espuesta a niveles sonoros superiores a los oxetivos
de calidá acústica según Real Decretu 1367/2007, de 19 d'ochobre,
pol que se desenvuelve la Llei 37/2003, de 17 de noviembre, del Ruiu,
no referente a zonificación acústica, oxetivos de calidá y
emisiones acústiques.
Frutu d'un alcuerdu plenario y visto
que'l Conceyu nun dispon de los medios humanos nin técnicos pa la
ellaboración del citáu informe, alcordóse llicitar, con cargu al
presupuestu municipal, el desenvolvimientu de dichu estudio partiendo
de los pliegos técnicos ellaboraos pola responsable de la área
municipal medioambiente.Tres la correspondiente llicitación, la
realización del mesmu axudicóse a la empresa Ingeniería Acústica
3, SL y el valor del contratu xube a 14.000 € más 2.940 d'I.V.A.
Les midíes van realizar d'alcuerdu a
lo establecío na normativa aplicable. Col fin de garantizar la
calidá de les midíes, va realizase la calibración de la
instrumentación utilizada tanto antes del entamu como a la
finalización de #cada sesión de midíes.
Les midíes de ruiu van realizase a un
altor del suelu de 4,0 (± 0,2) m, según lo establecío na normativa
vixente tocantes a xestión de ruiu ambiental.
En cada puntu identificáu como
representativu, va midise en día llaborable y festivu y nes
siguientes franxes horaries:
Horariu día: de 7 a 19 hores
Horariu Tarde: de 19 a 23 hores
Horariu Nueche: de 23 a 7 hores
Estableciéronse al efeuto un mínimu
de 20 puntos de midida en distintos puntos de les zones afectaes,
alcontrándose éstes primeramente nes parroquies de Tamón, Ambás,
Prevera, Albandi, Carrió y Perlora.
El serviciu contratáu:
–Campaña de midíes: Nun ye posible
afitar la duración esacta de los trabayos, cuidao que va tar en
función del númberu final de puntos de midida, de la
representatividá de les condiciones de funcionamientu de les
actividaes y de les condiciones meteorolóxiques; siendo inferior a
un añu.
–Informe: 4 selmanes dende'l remate
de la realización de les midíes.
Los trabayos a realizar son:
–Identificación de los puntos de
midida. Nesti apartáu va tenese la collaboración de los habitantes
de les zones afectaes, al traviés de les Asociaciones Vecinales.
Recoyéronse les sos propuestes pola Técnica de Mediuambiente y
l'empresa va escoyer les más aparentes y representatives.
–Amuesa temporal en caúnu de los
puntos en periodos Diurnu, Tarde y Nocherniegu. Amuesa en cada puntu
nun día llaborable y n'unu festivu.
–Determinación de parámetros
significativos y población afectada. Pretende determinase el grau
d'esposición de la población na zona d'estudiu al ruiu ambiental
producíu poles distintes fontes de ruiu esistente de les contemplaes
pola normativa (tráficu rodáu, tráficu ferroviariu ya industrial),
y llogru de los índices de población afectada pol ruiu (númberu de
persones afectaes nuna zona específica, según del númberu de
viviendes espuestes a determinaos valores d'un índiz indicador de
ruiu nuna zona determinada).
–Evaluación de les resultancies.
Identificación de puntos críticos. Propuesta de midíes o
d'acciones correctores de calter xeneral pal amenorgamientu de los
niveles sonoros cuando estos superen los niveles máximos establecíos
pola llexislación.
“De resultes de la problemática
causada pola contaminación acústica, l'oxetivu del estudiu
contratáu ye conocer la situación acústica real del conceyu y
l'afección conxunta de la sonoridá efectiva sobre la población,
actualizando y constatando la información contenida nos Mapes
Estratéxicos de Ruiu de les Carreteres de la Rede del Estáu y de la
Rede de Carreteres del Principáu d'Asturies según la información
de los mapes de ruios de les principales industries de conceyu”
–esplicó Gabriel Rodríguez, edil de mediuambiente.
“Once años dempués de la
realización, per parte del Aytu. de Carreño, de la primer midida
del ruiu producíu pola A-8 en delles viviendes d'El Montico, Ambás,
el Gobiernu d'España sigue ensin encarar la problemática esistente.
D'ende que tengamos que volver invertir parte del presupuestu
municipal n'actualizar los datos d'aquel estudiu y poder entamar les
acciones que procedan ante les alministraciones competentes”
– señaló'l conceyal.
“En Febreru del 2006 el Consistoriu
carreñense unvió a la Demarcación de Carreteres del
Estáu les resultancies de la midida realizada entós daquella nesi
primer estudiu técnicu contratáu pol consistoriu. Al tiempu,
solicitamos l'adopción de les pertinentes soluciones al problema del
ruiu na zona. Un añu más tarde, en 2007, pidióse la
instalación de pantalles acústiques na zona de Tabaza. Ese mesmu
añu, dende la Demarcación de Carreteres del Estáu informóse al
Conceyu avera del Mapa Estratéxicu de Ruiu de la rede del Estáu
n'Asturies. Mapa que realizaron y nel que concluyeron qu'estes zones
de Carreño onde se dan los problemes taben incluyíes en el
Mapa Estatal como de “alta prioridá” –
prosiguió'l conceyal.
“De magar, hasta la fecha, el
vecinderu y la Corporación de Carreño vemos como les actuaciones
d'alta prioridá pal Estáu nunca lleguen a proxectase nin executase.
Dacuando solicitamos la necesaria coordinación ente
alministraciones pa realizar actuaciones na zona d'alcuerdu al
conteníu del Mapa Estratéxicu de Ruiu. Los presupuestos estatales
nuevamente dan el llombu a Carreño y nun recueyen nin un solu euru
d'inversión dende'l Ministeriu de Fomentu pa desaniciar esta
problemática. Siguen ensin executar les acciones que s'afitaron como
necesaries y que tán previstes nos sos documentos técnicos qu'ellos
mesmos ellaboraron” – concluyó Rodríguez.
Albandi
