Tres les crítiques arramaes dende'l PP
de Carreño a la xestión de la subvención añal que concede
COGERSA a les parroquies colindantes coles instalaciones del
consorciu, el voceru del gobiernu local, Gabriel Rodríguez manifestó
que “el gobiernu local atiende escrupulosamente les demandes
vecinales teniendo en cuenta l'importe total de la subvención y los
pidimientos que se treslladen tanto dende Ambás como dende Tamón”.
“Rescampla que la única
discrepancia qu'esiste ta na entidá vecinal, de San Juan de Tamón,
que solicita que con dineru público acométase l'arreglu d'un camín,
que según los informes técnicos obrantes nel Conceyu ye de
naturaleza privada y de serviciu a finques. Y ello, en teniendo la
oportunidá y plazu p'apurrir documentación que pruebe la so
naturaleza pública. D'ende que dende'l Conceyu optóse por proponer
a Cogersa, en tantu en cuántu nun s'esclarie que lo que pide
l'asociación de Tamón ye realmente públicu, l'arreglu del camín
públicu de les Tranques que ye públicu y da serviciu a viviendes,
primero que perder la subvención”– señalo'l voceru del
gobiernu local.
COGERSA destina 54.091 euros a
subvencionar actuaciones nes parroquies de Ambás y Tamón. “Una
vegada analizaes les demandes de caúna de les asociaciones puede
concluyise que dende Ambás anguaño, proponen destinar a obres el
91,35% del dineru disponible, en concretu meyores nel suelu pista
polideportiva ya instalar un tramu nuevu d'allumáu públicu de la
Ilesia a la Fonte/llavaderu de La Reguera en Huerno, y que
p'actividaes culturales soliciten un 8,65%, que destinaríen a un
cursu de manipulación d'alimentos y otru d'ellaboración de tapes y
pinchos”, –esplicó'l voceru municipal.
“Nel casu de Tamón
tamién solicitaron la xestión directa de los fondos pa
l'alquisición d'un ordenador portátil: que'l so costu supon un
2,61% del dineru presupuestáu, y pidieron destinar un 10,14% a
escursiones a Cabrales, Zamora y El Bierzo, clases d'inglés y un
cursu cocina tradicional de les Guisanderes Asturianes. Acciones
estes les culturales que pidieron xestionar ellos directamente dende
l'asociación y apurrir la cuenta xustificativa al Conceyu”
–añedió Gabriel Rodríguez.
Albandi
