“Prosiguiendo col proyectu d'adecuación de zona verde
pa güertos públicos sostenibles y área recreativa, previstu nuna
parcela de Candás con una superficie de 11.413 m2. tán
peracabándose les obres de construcción del almacén p'almacenaxe
de ferramientes de les persones y colectivos qu'utilicen los futuros
güertos. Amás d'estes obres, que tán bien avanzaes, yá
s'axudicaron les obres necesaries pa facilitar l'accesu piatonal y
rodao a la parcela y la reubicación del horru propiedá municipal”
- esplicó Gabriel Rodríguez, edil d'urbanismu.
“Cola urbanización d'esta parcela'l Consistoriu ordenó
esta amplia zona verde enllantando los güertos públicos y
proyectó una futura área recreativa. Estes inversiones
municipales fuéronse realizando nun escenariu presupuestariu marcáu
pola llimitación qu'impon el gobiernu central a les alministraciones
locales” - señaló'l conceyal d'urbanismu
La zona destinada a los güertos tien una superficie de 5.456 m2 .
La zona prevista pal área recreativa tien una superficie de 2.174,82
m2.
“Apocayá axudicáronse les obres d'execución del accesu a
los güertos, según el treslláu y arreglu del horru municipal (sito
na cai Severu Ochoa) a la mesma parcela” - añedió Rodríguez
“El camín d'accesu a los güertos va dexar tamién l'accesu
rodáu a la zona ente los edificios A y C de la Plaza Gremiu
d'Amoriantes rematando na puerta d'accesu a los güertos, con un
anchu de 2,50 metros. Pa ello ye necesariu executar un desmonte
del terrén ente dambos edificios, dexando una turria más
pronunciada nel estremu norte que dexe un menor pindiu tresversal na
zona del camín. El terrén desmontáu va sirvir pa executar el
terremplén que dexe salvar la turria esistente que se va quedar con
una cuesta del 6% por que resulte accesible a persones con movilidá
amenorgada” detalló él conceyal
“Una vegada executáu esti movimientu de tierres, va dase na
escavación de la caxa d'enanche que yá se consideró más fonda que
la proyectada primeramente y va preparase el terrén por aciu
el refino y rasanteo de la superficie de coronación de la
explanación. Na superficie de coronación de la
explanación va dase na estensión de la capa base de 40 cm
d'espesura a base de zahorra, na capa de base va realizase una llosa
de formigón armáu de les dimensiones y característiques indicaes
nos planos del proyectu” concretó Rodriguez
“En cuánto al arreglu y treslláu del horru donáu pola
familia de Manuel Pérez al Conceyu, túvose'l asesoramientu técnicu
de l'Asociación d'Amigos del Horru. P'allugalo na parcela
executarán cuatro zapates de formigón armáu nes que se van asitiar
les soleeas de piedra, los pegollos y les mueles por aciu un camión
pluma. Darréu van asitiase los trabes y demás pieces de la
caxa del horru una vegada éstes fueren restauraes. va asitiase
l'armariu decorativu, el rodapié y la toca sogueada. va executase un
nuevu tillaáu de castañu. va asitiase una nueva cadena
perimetral como base del corredor sofitada nos almanaques que caltien
l'horru. N'ella executaráse una solera sogueada lo más similar a la
orixinal. Énte la puerta principal va asitiase una talandoria y
un pasu, esti espaciu d'entrada va cerrasecon dos portielles con
pesllera asemeyaes al zarru del corredor. va asitiase una
pesllera na nueva puerta principal. El corredor va dir tilláu con
pontón al mediu. El zarru del corredor va realizase por
aciu balustres torniaos similares a los orixinales. La cubierta
va executase por aciu cabios con áligues de 18 cm 20 cm. van
asitiase dos pernos bien curvu nuevos y orilleru claváu con tornos y
bocateya. Tolos elementos van con madera de castañal o carbayu del
país. va asitiase aislante tipu “Maydilit” y va
reteyase con teya árabe, por aciu aplicación d'espluma de
pulieretano de reteyar pegando toes les teyes. Van emplegase teyes
nueves pa les canales, sacante les canales del bistechu y van
reutilizase #texer orixinales pa les cubiertes y el bistechu” -
esplicó Rodríguez
“Pa la execución d'estes obres el Conceyu de Carreño
realizó'l correspondiente procesu de llicitación, nel que
participaron 4 empreses: Anselmo Bango Obres y Contrates, S.L.;
Construcciones Bahía de Perán, S.L.; Excavación Méndez Valledor,
S.L. (MEVALS); y Posada Organización, S.A. Axudicándose finalmente
les mesmes a la ufierta más ventaxosa, la presentada por Posada
Organización, S.A. por importe de 25.591,02 € IVA incluyíu. El
plazu d'execución de les obres va ser 2 meses, dende la firma de
l'acta de replantego” - concluyó'l conceyal .
Paralelamente a les obres, trabayóse en comisiones informatives
el reglamentu y ordenanza que regulen el funcionamientu de los citaos
güertos. Na comisión informativa d'urbanismu celebrada'l 13
d'Avientu, del añu pasáu, y na comisión de mediu rural viéronse
dos borradores de reglamentu y ordenanza. Que fueron treslladaos al
restu de fuerces polítiques pa incorporar les sos aportaciones, en
próximes sesiones va llevase pa dictaminar la propuesta definitiva.
Albandi
