La ONG Seronda visita'l IES de Candás para esplicar el proyectu
de cooperación que cofinancia el Conceyu de Carreño y caltener un
alcuentru de mocedá solidaria de los estudiantes de Carreño y
mocedá de Guatemala.
L'asociación presentó al alumnáu de 3º y 4º de la ESO'l
proyectu que desenvuelven en Guatemala y que busca arreyar a la
mocedá de les colonies urbanes marxinales nun procesu de formación
integral nel que se trabayen dellos aspeutos como la educación
formal, l'insertamientu llaboral, la formación humana y
l'acompañamientu psico-emocional y participación comuñal.
L'oxetivu d'esti proyectu (que subvencionó'l Conceyu de Carreño
nel marcu de la convocatoria de subvenciones a proyectos de
cooperación al desenvolvimientu) ye'l fortalecimientu del texíu
personal y comuñal, favoreciendo'l derechu a la educación y al
accesu a un trabayu dignu, según ufiertar alternatives de vida non
violentes, y construyir relaciones equitatives de xéneru.
A estes sesiones divulgatives del proyectu de cooperación lleven
tamién una pequena esposición compuesta de dellos paneles
esplicativos que l'alumnáu va poder visitar hasta'l 1 de Febreru,
fecha na que se va celebrar una última charra per parte de
l'asociación con alumnáu de 3º d'ESO.
Albandi
