 |
| cartel Olímpicos |
Esti vienres 8 de xunu, a partir de les 12 hores, escolares del
CEIP San Félix, Poeta Antón ya IES de Candás acompañaos de
profesoráu de dichos centros educativos, persones mayores del Centru
de día, persones con diversidá funcional y públicu polo xeneral
van realizar el percorríu poles cais de Candás cola antorcha.
PERCORRÍU: dende la Plaza de La Baragaña – c/ Braulio Busto –
c/ Rufo Rendueles – Paséu Marítimu hasta la valla de deportistes
Olímpicos, na redolada del Conexal. Entrega del fueu para la so
custodia nel Conceyu. L'antorcha olímpica va ser portada, en
relevos, por deportistes olímpicos del conceyu.
El conceyu tien 10 Olímpicos, 4 medayes y más 24 participaciones
n'Olimpiaes:
Herminio Menéndez
José Enrique Rodríguez “ Dacal”
Amando Prendes
Carlos Prendes
Carlos Manuel Prendes
Luisa Álvarez
Ramón Menéndez “Moncho Palmeiro”
Eduardo Prendes
Marcelino Torrontegui
Gaspar Muñiz
DESCRIPCIÓN: 1 Km. de percorríu. Salida Plaza de la Baragaña –
c/ Braulio Bustu – c/ Rufo Rendueles – Paséu Marítimu, va
concluyir el percorríu na redolada del Conexal al altor de la valla
de deportistes olímpicos y entrega del fueu para la so custodia nel
Consistoriu local.
La llama olímpica marca la inauguración del Muséu Nacional del
Deporte. Esti muséu itinerante, col que collabora'l Conseyu Cimeru
de Deportes, amuesa más de 500 oxetos históricos de distintos
momentos destacaos del deporte español. Llega a Asturies dempués de
2 años d'ésitos por toa España. Y el día 8 l'antorcha llega
mañana a Candás van portala, en relevos, deportistes olímpicos del
conceyu.
El Conceyu de Carreño va faer una aportación al proyectu polos
kilómetros percorríos coles neñes y neños carreñenses, les
persones mayores y colectivos que s'animen a participar na carrera al
pie de la llapada olímpica. Ente toos y toes vamos contribuyir
a recaldar fondos pa dotar de sielles de ruedes al deporte adaptáu
n'Asturies.
A les 17:30 h. va tener llugar l'alcuentru con deportistes
olímpicos de Carreño nel Restorán “Torrontegui”
y proyección del videu “Candás, villa de deportistas
olímpicos” (20’ aprox.). Abiertu al públicu hasta
completar aforu.
Albandi
