El Paséu de San Antonio va acoyer la 49 edición Festival de la
Sardina, un eventu que forma parte del calendariu de fiestes
d'Interés Turísticu Rexonal. La área de Festexos del Conceyu de
Carreño última los preparativos de les fiestes de San Félix de
Candás. Cuatro intensos díes de música, deporte, actividaes
náutiques y gastronomía.
Dientro de la programación prevista p'anguaño destaquen dos
actividaes, el 49 festival de Sardina y el popular Rallye de la Sidra
entamáu poles Peñes marineres locales.
El Festival de la Sardina de Candás, declaráu d'Interés
Turísticu Rexonal, va cuntar anguaño con seis establecimientos
hosteleros:
. La Marina (Lluanco)
. Casa Repinaldo (Candás)
. Nordeste (Candás)
. Cir El Pieloro (Carreño)
. El Frontón (Xixón)
. Orales Candasinos (Candás)
Ellos van ser los encargaos de faer a la plancha alredor de 2000
quilos de sardines a partir de les 17 hores nel Paséu de San
Antonio. En representación del gobiernu del Principáu va allegar el
Director Xeneral de Turismu, Julio González Zapico. Acompañáu
d'autoridaes locales ya invitaos va tastiar les exquisiteces de la
sardina. La xornada va tar acompañada de l'actuación del grupu de
baille “San Félix” de Candás y la fanfarria “Pepe el Chelo y
los sos Marchosos”.
Un xuráu profesional va valorar les sardines sirvíes a lo llargo
del festival. Anguaño compónenlo:
. Pedro Morán (Casa Gerardo – Carreño), el chef carreñense va
presidir una edición más el xuráu.
. Oxana Retinskaia (finalista Masterchef 2018) rusa de nacencia y
xixonesa d'adopción dende va quince años, conquistó al públicu
del 'talent' culinariu de La 1 de Televisión Española pola so pola
so espontaneidá, talentu y evolución.
. Abel Telente (Asador d'Abel – Siero)
. Juan Rivero (Casa Tataguyo – Avilés)
. Luis Alberto Martínez (Casa Fermín – Uviéu)
. Eduardo Méndez (Presidente de l'Academia Asturiana de
Gastronomía)
Ellos y elles van ser los encargaos de dictaminar quien va llevar
anguaño la sardina d'oru, plata, y bronce, premios otorgaos a los
establecimientos hosteleros que meyor sardina ufierten. El xuráu
visita mientres la tarde del 1 d'agostu toos los stands y al rematar
realiza una cata a palpu de les sardines de tolos stands.
Los criterios a puntuar son los siguientes:
Sardines:
Presentación, de 0 a 5 puntos.
Sabor y testura, de 0 a 30 puntos.
Sidra:
Valoración de la mesma, de 0 a 5 puntos.
Stand:
Llimpieza y orde, de 0 a 5 puntos.
Decoración, de 0 a 5 puntos
Uniformidá personal, de 0 a 5 puntos.
Estáu de la plancha, de 0 a 5 puntos.
El Rallye de la Sidra va cuntar anguaño con cuatro paraes nel so
percorríu. Estes habíense perdíu los últimos años, quedándose
amenorgáu en trés, pero dende les Peñes Marineres (organizadores
del eventu) y l'área de festexos del Conceyu decidió volvese a los
sos entamos incorporando pa esti 2018 la cuarta parada nel so
percorríu:
. Fonte de los Ánxeles
. Parque Santarúa
. Parque “Les Conserveres”
. Parque Inglés
Un total de 2.354 persones van percorrer les cais de la villa de
Candás el vienres 3 d'agostu a partir de los seis y media de la
tarde, van faelo acompañaos de la fanfarria candasina “Pepe'l
Chelo y sus marchosos” que va poner la nota musical al eventu.
Parte de les Peñes Marineres de Candás, les más veteranes, son
organizadores d'esti eventu festivu que cunta cola collaboración del
Conceyu de Carreño, que encárgase del orde, seguridá y llimpieza.
Dende la organización anuncien que se van partir un total de 9.416
botelles de sidra, marca del conceyu como nun podía ser d'otra
manera, Sidra Peñón. El Llagar carreñense, asitiáu na parroquia
de Albandi que promueve la etiqueta Sidra Escoyida, foi apocayá
integrada na Denominación d'Orixe Protexida. “La Sidra
d'Asturies”, la que s'acueye a la DOP, representa una pequena parte
del caldu que se consume n'Asturies. El Conceyu de Carreño va velar
pol orde, seguridá y llimpieza mientres dicha actividá, va cuntar
con 26 persones que van ser les encargaes d'entamar a les peñes
marineres al so pasu pola villa. Amás efectivos de policía local
van caltener la seguridá nes distintes paraes qu'el rallye tien al
so pasu poles cais de Candás. El Serviciu d'ambulancia va tar
presente en tou momentu, que envalórase que remate a les 01:00 de la
madrugada nel Parque Inglés. El serviciu de llimpieza va trabayar
dende los seis y media de la tarde faciendo llimpieza y van siguir a
otru día reforzando aquelles zones afectaes polos eventos festivos
del vienres 3 d'agostu.
Albandi
