Ecovidrio y el Conceyu de Carreño collaboren pa concenciar a la
población sobre la necesidá del recicláu d'envases de vidriu
mientres la celebración de La Vuelta 2018, instalando nes cais de la
localidá 5 contenedores vinilaos cola imaxe de la campaña ‘Recicla
vidriu y pedalia’. Los envases de vidriu reciclaos nestos
contenedores van ser los que conformen un troféu sostenible que va
recibir l'Alcaldesa de Carreño a la salida de la etapa 13 que se va
celebrar el próximu 7 de setiembre entre Candás y el Valle de
Sabero, La Camperona.
“Gracies a esta iniciativa de sensibilización va movilizase
al vecinderu de la villa de Candás pola que van pasar los ciclistes
d'una de les cites deportives más importantes. Esti troféu
simboliza l'esfuerzu tantu de los ciclistes en cada etapa como de la
ciudadanía por curiar del medioambiente. Los cinco contenedores tán
allugaos na entrada al Puertu, cai Rosal, cai Pedro Herrero, cai
Promadonga y Avda de Ferrocarril, al altor de la estación de FEVE”
– esplicó'l conceyal de deportes y medioambiente.
Datos de recicláu de vidriu en Carreño
“Según los últimos datos relativos a 2017, la ciudadanía
de Carreño recicló un total de 168.430 kilogramos de vidriu, lo que
se traduz en 16 kg por habitante, percima de la media del Principáu
d'Asturies” – señaló'l conceyal.
“Dáu'l nuesu compromisu col reciclaje valoramos como bien
positiva esta acción de sensibilización de Ecovidrio. Apurriéronnos
güei cinco contenedores iglú pa vidriu, y vamos poder usalos más
allá d'esti eventu deportivu. sumándose a los esistentes en Candás.
Al respective de la tasa de contenerización, Carreño asitítiase
con una media de 153 habitantes per contenedor, teminedo en cuenta na
actualidá un total de 69 iglúes pa les borrafes d'envases de vidriu
instalaos” – añedió'l conceyal.
“Paeznos un aciertu, aprovechar el desenvolvimientu del
eventu deportivu del añu en Carreño col reciclaxe, nesti casu de
vidriu, dada la gran importancia que tien la recoyida selectiva.
Colos nuesos medios y posibilidaes nes fiestes del conceyu y eventos
aprovimos a les entidaes organizadores que la soliciten d'iglúes pa
facilitar el reciclaxe” – afirmó Gabriel Rodríguez conceyal
de Mediu Ambiente y Deportes del Ayto de Carreño, acompañáu na
semeya por Germán Fernández Freire, xerente de la empresa na zona
de Galicia y Asturies.
20 años reciclando envases de vidriu
Los oríxenes del reciclaxe d'envases de vidriu remóntense a la
década de los 80 cola llegada de los primeros contenedores a Madrid
y Barcelona en 1982. Tres l'aprobación de la Llei d'Envases y
Borrafes d'Envases en 1997 y l'arranque de les operaciones en 1998,
Ecovidrio convirtióse na entidá xestora d'un modelu de recicláu
que garantiza un serviciu públicu, profesional y al que tiene accesu
toa la ciudadanía. El reciclaje d'envases de vidriu ye un elementu
fundamental pa contribuyir al desenvolvimientu sostenible acordies
con los principios d'economía circular.
Mientres les postreres dos décades la tasa de recicláu d'envases
de vidriu esperimentó una crecedera esponencial pasando del 31,3%
nel añu 2000 al 73% en 2017, tasa envalorada por Ecovidrio según el
métodu de cálculu actual. Nestos 20 años de collaboración
públicu-privada, el kilogramu por habitante de borrafes d'envases
recoyíos n'España amontóse un 156%, pasando d'unos 6,6 kg per
persona en 1998 a los casi 17 kilogramos colos que se disponen na
actualidá.
L'apuesta pola collaboración col sector hosteleru dexó que
nestos 20 años el 61% de los establecimientos del nuesu país
collaboren con Ecovidrio n'acciones formatives pa promover el
reciclaje d'envases de vidriu ente la hostelería. Ecovidrio ye la
entidá ensin ánimu d'arriquecimientu encargada de la xestión del
recicláu de borrafes d'envases de vidriu n'España. 8.000 compañíes
envasadores faen posible, cola so aportación al traviés del puntu
verde, del sistema de recicláu.
Albandi
